Isabel Blanco-Rivas
Para outras páxinas con títulos homónimos véxase: Isabel Blanco (homónimos).
.jpg) (2023)  | |
| Biografía | |
|---|---|
| Nacemento | 10 de marzo de 1962 Vigo |
| Morte | 3 de xullo de 2026 (64 anos) Vigo |
| Educación | Universidade de Granada |
| Actividade | |
| Ocupación | avogada, escritora |
| Xénero artístico | Poesía, Narrativa |
 | |
Isabel María Blanco Franco, nada en Vigo o 10 de marzo de 1962, e finada a mesma cidade o 3 de xullo de 2026,[1] era unha avogada e escritora galega, máis coñecida como Isabel Blanco ou Isabel Blanco-Rivas (en honor ao seu avó).
Traxectoria
[editar | editar a fonte]Estudou dereito na Universidade de Granada e exerceu en Vigo desde 1989 como avogada especializada en Dereito Matrimonial e de Familia, en violencia de xénero e menores.[2]
Exerceu a docencia na Escola de Práctica Xurídica do Colexio de Avogados de Vigo e colaborou coa Casa da Muller de Vigo e os centros de Información da Muller de Mos e Ponteareas.[3]. No eido da avogacía participou en: Curso de Victimoloxía da Universidade de Educación a Distancia (1996), Curso Xurídico sobre Aspectos do Código Penal do Instituto de la Mujer (1997), Curso “ A Administración Local na Unión Europea. A Unión Europea e as Entidades Locais “ do Concello de Vigo (1997), Curso sobre “ Dirección e Animación de Equipos de Traballo” na Escola Galega de Administración Pública (1998), Curso de Extranxería do Colexio de Avogados de Vigo (2016).
Súa foi a idea, creación e textos da mostra Rompe, xoga en igualdade (2018)[4]. Con Irene Silva creou a exposición de poesía visual Amores que matan non son amores (2018).[5] O director de coros vasco Javier Busto compuxo música para tres poemas seus: "Vestida de frores" (Vebas Cum), "Poesía del deseo" (inédito), "Gosto dos bicos" (inédito).
Escribiu o guión da curtametraxe Manuela Romasanta de Roberto Oliveira.[6]
Obras
[editar | editar a fonte]En castelán
[editar | editar a fonte]- Historias de almas inquietas (2012). Reeditado en 2014 en Belagua Ediciones. ISBN 9788494175121.[7]
- Los mundos ajenos (2014). Belagua Ediciones. ISBN 978-8494175114.[8][9] No libro explora os sentimentos, emocións e vivencias de persoas con diferentes discapacidades.[10]
- La muerte de Marilyn y otros relatos (2019). Belagua Ed. 102 páxs. ISBN 9788494951763.
En galego
[editar | editar a fonte]_e_Luz_Beloso.jpg)
- Verbas cum (2014). Belagua Ediciones. ISBN 978-8494175138. "Estes poemas de amor que son como as augas dos regatos, repousadas nalgúns intres, e rápidas e burbullantes cando o seu curso se fai pronunciado, lense, escóitanse e tamén poden verse"[11][12]
- María Vinyals. Un talento rebelde (2018). Ilustracións de Luz Beloso. Belagua Ediciones. ISBN 978-84-946959-7-1.[13] É unha recreación literaria da biografía de María Vinyals, nada en 1875 no castelo de Soutomaior.[14]
- As receitas de Rosaura (2018). Ilustracións de Luz Beloso. Belagua Ediciones. ISBN 978-84-946959-4-0. É o primeiro libro da colección: "Este que tes nas túas mans / é o Libro de Receitas / que a cociñeira Rosaura / escribiu para que as aprendas. / Só tes que ir pasando as páginas / unha a unha e pouco a pouco, / parándote a ler nelas / con olmos grandes de moucho".[15] Tamén o primeiro libro infantil de receitas en galego.[16]
- Rosaura e o mar (2018). Ilustracións de Luz Beloso. Belagua Ediciones. ISBN 978-84-946959-5-7.[17] Son versos de homenaxe a Rosaura e ás traballadoras do mar.[18]
- Rosaura, cesteira de Mondaríz (2018). Ilustracións de Luz Beloso. Belagua Ediciones. ISBN 978-8494695988. Para coñecer o tradicional oficio dos cesteiros.[19]
- Galegas na ciencia (2022). Belagua Ediciones. Ilustracións de María Lapido. 48 páxs. ISBN 978-84-121433-6-2. De Isabel Zendal (1777) a María Teresa Miras Portugal (1948), este libro recolle as biografías de vinte galegas que abriron as portas da ciencia.
- Galegas nas artes (2022). Belagua Ed. Ilustracións de María Lapido. 52 páxs. ISBN 978-84-124434-6-2. 21 mulleres galegas do mundo das artes plásticas e visuais.
- Galegas na música (2025). Belagua Ed. Ilustracións de María Lapido. 62 páxs. ISBN 978-84-129637-0-0. Escolma de biografías de mulleres galegas dedicadas á música.
Premios
[editar | editar a fonte]- 1º premio no Concurso literario de Relatos Curtos Dunas, de Nigrán ( 2010).
- 1º premio no Certame de narrativa breve “Carolina Planells” de Paiporta (Valencia) ( 2011).
- 1º premio no II Concurso de Relato Corto «Mujer, Discapacidad y Empleo», convocado por la Secretaría de Política Social de CC OO de Almería.(2012).
- Finalista Poetry Slam 2016 Vigo
- Premio Certame de Poesía Xogos Florais 2017 Concello de Ponteareas.
- 2º Premio Certame de Poesia Pazo da Saleta. Novembro 2017
- 2ª Premio Certame de Microrelatos Ozoco 2018
- 3ª Mellor libro de literaruta infantil 2017 “ As Receitas de Rosaura “ premios Fervenzas Literarias.
- 7ª Mellor libro de literatura infantil 2018 " Rosura e o mar" premios Fervenzas Literarias.[20]
Notas
[editar | editar a fonte]- ↑ Porto, Gabino (4 de xullo de 2026). "Morre a avogada e escritora Isabel Blanco aos 64 anos". farodevigo.es. Consultado o 4 de xullo de 2026.
- ↑ "Isabel Blanco Rivas". elcorteingles.es. Consultado o 16/01/2019.
- ↑ "Isabel Blanco Rivas". belgaguaediciones.com. Arquivado dende o orixinal o 17/01/2019. Consultado o 16/01/2019.
- ↑ ""Rompe. Xoga en Igualdade" CRTVG". www.crtvg.es. Consultado o 2019-01-23.
- ↑ EFE. "La exposición de poesía visual "Amores que matan no son amores" llega a Vigo - ABC.es - Noticias Agencias". ABC (en castelán). Arquivado dende o orixinal o 23 de xaneiro de 2019. Consultado o 2019-01-23.
- ↑ "La enigmática mente de Romasanta". Faro de Vigo (en castelán). Consultado o 2019-01-24.
- ↑ Atlántico. "La abogada viguesa Isabel Blanco, en su 'mundo ajeno'". Atlántico (en castelán). Consultado o 2019-01-16.
- ↑ "LOS MUNDOS AJENOS". Belagua Ediciones y Comunicación (en castelán). Arquivado dende o orixinal o 17 de xaneiro de 2019. Consultado o 2019-01-16.
- ↑ "Isabel Blanco-Rivas presenta na Casa de Galicia en Madrid o seu segundo libro de relatos, "Los mundos ajenos" - Actualidade - Casa de Galicia". casadegalicia.xunta.gal. Arquivado dende o orixinal o 17 de xaneiro de 2019. Consultado o 2019-01-16.
- ↑ "La abogada Isabel Blanco Rivas presenta un libro sobre personas con discapacidad". Faro de Vigo (en castelán). Consultado o 2019-01-16.
- ↑ "VERBAS CUM". Belagua Ediciones y Comunicación. Arquivado dende o orixinal o 17 de xaneiro de 2019. Consultado o 2019-01-16.
- ↑ "Mondariz acoge la presentación de Verbas Cum". Faro de Vigo. Consultado o 2019-01-16.
- ↑ "María Vinyals. Un talento rebelde". belaguaediciones.com. Arquivado dende o orixinal o 17/01/2019. Consultado o 16/01/2019.
- ↑ "María viyals, un talento rebelde". lecturafilia.com. Consultado o 16/01/2019.
- ↑ "As receitas de Rosaura". belaguaediciones.com. Arquivado dende o orixinal o 17 de xaneiro de 2019.
- ↑ "Poemas para comer". farodevigo.es. Consultado o 16/01/2019.
- ↑ "Rosaura e o mar". belaguaediciones.com. Arquivado dende o orixinal o 17 de xaneiro de 2019.
- ↑ "Versos de homenaje a Rosaura y a las trabajadoras del mar". farodevigo.es (en español). Consultado o 16/01/2019.
- ↑ Vigo, V.P. "Un libro divulga la cestería en Mondariz" (en castelán). Consultado o 2019-01-16.
- ↑ Redacción. "Os mellores libros do 2018". fervenzasliterarias.gal. Arquivado dende o orixinal o 23 de xaneiro de 2019. Consultado o 2019-01-23.
