Absolute Championship Akhmat

Logotipo dil organizuro.

Alexandr Sarnavski.

Absolute Championship Akhmat (ACA) (ad 2018 Absolute Championship Berkut, ACB) esas Rusa sportal organizuro pri mixita milital arti, kik-boxo e jiu-jitsu kun chef-urbo en Grozni, republiko Chechenia. Ol fondesis en 2014 da Mairbek Hasiyev. Lua prezidero depos 2018 esas Alexei Yacenko.

En 2018 divenis unionigo di du Organizuri de Grozni: Absolute Championship Berkut e World Fighting Championship Akhmat en nova organizuro: jus ACA.

Segun datumi de 2022 championi di ok kategorii di ACA esas: Alihan Vahayev (kategorio pezoza – ad 120 kg), Muslim Magomedov (kategorio mi-pezoza – ad 93 kg), Magomedrasul Gasanov (kategorio mez-pezoza – 84 kg), Abubakar Vagayev (kategorio mi-mez-pezoza – 77 kg), Abdul-Aziz Abdulvahabov (kategorio lejer-pezoza – ad 70 kg), Alihan Suleimanov (kategorio plum-pezoza – ad 66 kg), Oleg Borisov (kategorio ucel-pezoza – ad 61 kg) e Imran Bukuyev (kategorio mush-pezoza – ad 57 kg).