Le Iunivesite Aʻoaʻo o Sāmoa

Samoa ei ai iunivesite i 1968 faʻatūina e se faiga a le palemene, ʻO aso nei, ʻua iai iunivesite e tolu i Samoa. ʻO Le Iunivesite o Saute Pasefika na muamua lava faʻatū i Samoa, ona sosoʻo ai lea ma le iunivesite o Samoa, lea ʻua taʻua nei o Le Iunivesite Aʻoaʻo o Samoa. ʻUa iai foʻi ma se Iunivesitē i le falemaʻi i Matoʻotua e aʻoaʻo ai mea tau le soifua mālōlōina.

ʻO Le Iunivesite Aʻoaʻo o Sāmoa, e tū i le ʻPapaigalagalaʻ i Vaivase, Apia i Sāmoa. E toʻatele tupulaga mai le Pasefika ʻua āʻoʻoga ai i lenei Iunivesite. Na faʻatūina lenei Iunivesite i lalo o le pūlega faʻapalemia a le afioga ia Tofilau Eti Alesana. ʻO se tōfā loloto lea na faʻataunuʻuina ai lenei faʻamoemoe, ma tulaʻi mai ai se Iunivesite a Samoa lava ia.

ʻUa ia foʻi ma se iunivesite e taʻua ʻo le AMOSA- na faʻatūina e se tasi tinā lauiloa i Samoa ona ʻo ia lea na ʻavea ma Samoa muamua na maua lana faʻailoga o le Fōmaʻi o le Māfaufau (PhD). O lona suafa o Aiono Fanaafi Le Tagaloa. Sā ʻavea foʻi o ia ma le faʻatonu Samoa muamua o le Ofisa o Āʻoga i Samoa ma na ia taumafai ai e sui faiga tau le aʻoaʻoina o le gagana Sāmoa i āʻoga. E tele ni vāega aogā ma le tāua na faʻataʻatitia e Fanaafi i nā aso. Peitaʻi, ʻina ʻua alu ʻese ma lea ofisa o āʻoga ma ʻavea ai loa ia ma Porofesa o le Gagana Sāmoa, i le Iunivesite Aoaoa o Samoa i lona faʻatoʻā ʻamata, na ia taumafai a loa e faauau le faʻatāuaina o le gagana Samoa. Na alu ʻese loa Aiona ma faʻatū lana ia lava iunivesite lea o le AMOSA, e aʻoaʻo ai matāʻupu ʻeseʻese i le gagana Samoa.