Mamy Blue (tchanson)
Mami Bloû
Mamy Blue (riscrît e walon Mami Bloû, ey e-n inglès Mammy Blue[1]), c' est ene tchanson scrîte e francès (mågré s' tite purade inglès) pa Hubert Giraud e 1970. Lu-minme endè compôza l' muzike.
Tchantaedje
[candjî | candjî l’ côde wiki]Li prumî tchantaedje avou l' cåzaedje e-n itålyin, fourit eredjistré pa Ivana Spagna å cmince di 1971.
E francès, ele serè tchantêye pa Nicoletta (mwaisse modêye) ey e-n inglès pa les Pop-Tops, ene binde di tchanteus espagnols, ki leu tchanteu Phil Trim aveut ratourné l' tecse (e-n inglès, dabôrd).
E 1972, ele serè rimetowe e walon pa on lomé «Joëc» (no d' pene), dandjreus a pårti des paroles e-n inglès.[2] Tchantêye pa Joanna Lecomte avou s' binde di tchanteuses «Nanesse et les nanas», acpagntêyes di l' orkesse d' Hector Delfosse, ele mousse foû come 45 toûs del måjhon d' plakes «Week End»[3]
Cåzaedje e walon
[candjî | candjî l’ côde wiki]Dji m’ sovén,
Dji m’ sovén, d’ Mamy Bloû, o Mamy Bloû
Dji m’ sovén cwand c’ est k’ dj’ esteu ptit
Di cisse tchanson ki vos tchantîz
Toprès di m’ lét po m’ edoirmi
Et m’ hossî.
C’ esteut-st èn air ki vos cnoxhîz
Ki vneut come vos d’ on lon-payis
La wice ki vos avoz crexhou
Mami Bloû
Dji m’ sovén,
dji m’ sovén, d’ Mamy Bloû, o Mamy Bloû
Vola ddja toplin des anêyes
Portant, c’ est co todi parey
Djourmåy vosse vwès mel gruzene[4]
E l’ oraye.
Dji sai bén ki vos n’ estoz pus
Ki Diu vos a houkî dlé Lu
Et k’ po tofer, dji vs a pierdou,
Mami Bloû.[5]
Hårdêye difoûtrinne
[candjî | candjî l’ côde wiki]El tchanson (so VoBuze)
Sourdants
[candjî | candjî l’ côde wiki]- ↑ sol tite del plake 45 toûs: Mamy-Blue (avou loyeure).
- ↑ poy ki Phil Trim est metou dins les oteurs des cåzaedjes.
- ↑ so «l' osti» (Måjhon des walons).
- ↑ pol rimaedje et l' pîtaedje, li codjowa, c' est «gruzinêye»
- ↑ ricopyî e rfondou tot-z oyant l' plake so VoBuze pa Lucyin Mahin.