IsiKotilandi

iSikotilandi
Isaga: "Nemo me impune lacessit" (isiLathini) "Akekho ongihlokolozayo ongajeziswa"
Inkondlo: Flower of Scotland IsiNgisi Imbali yesiKotilandi
Location of  IsiKotilandi  (dark green) – in iYurobu  (light green & dark grey) – in Umbuso Ohlangeneyo  (light green) Location of  IsiKotilandi  (dark green) – in iYurobu  (light green & dark grey) – in Umbuso Ohlangeneyo  (light green)
Isiqongo		i-Edinburgh
Idolobha elikhulu		IGlasgawu
Izilimi		iSikoshi, isiNgisi
Abantu		basesKotilandi noma amaSkoti
Uhulumeni
-	iNgonyama	uCharles III
-	iNdunankulu	uKeir Starmer
-	uNgqongqoshe oPhambili	uJohn Swinney
Ubukhulu
-	Jikelele	78,387 km2  30,414 sq mi
Inani labantu
-	2010 ukulinganisa	5,222,100
-	2001 uhlolovo	5,062,011
-	Ixuku labantu	65.9/km2  170.8/sq mi
Imali		Upondo (GBP)

IsiKotilandi siyilizwe eliyinxenye yoMbuso oHlangeneyo. Lokho akuchazi ukuthi isiKotilandi sizimele kwezombusazwe kodwa kuyigama elisetshenziswa ukukhombisa umlando wesiKotilandi ukuthi kudala sayisizwe esazisimele. Kungakho isiKotilandi singaqhathaniswa nezifundazwe zamanye amazwe afana neNingizimu Afrika. IsiKotilandi siqukatha inxenye esenyakatho yesiqhingi sikaBhulithani Nkulu kanye neziqhingi zaseHerbrides naseNorthern Isles. Ku-2022, isiKotilandi sayinenani labantu abayizigidi ezi-5.4 ngokulinganisa. Isiqongo siseEdinburgh kodwa inxuluma/idolobha elikhulu kunawo wonke iseGlasgow. IsiKotilandi inemingcele neNgilandi ngaseningizimu futhi inogu noLwandle lwaseNyakatho ngasenyakatho nasempumalanga kanye neLwandle wase-Atlantiki ngasentshonalanga nolwandla wase-Ayilendi ngaseningizimu-ntshonalanga. Nakuba singazimelanga, isiKotilandi sinezikhungo ezombusazwe ezigunyazwe yiPhalamende loMbuso oHlangeneyo ukushaya imithetho nokuziphatha emikhakheni ezithile. Kungakho, isiKotilandi sinePhalamende elinamalunga ayi-123, amele izifunda zokhetho ezingama-72. uHulumeni waseKotilandi uyigatsha lokhuphatha ezombusazwe eliholwa nguNgqongqoshe Phambili ongusihlalo womkhandlu okuphatha ophenduleleka imingqubomgomo kahulumeni kanye nokusebenzisana nezizwe zangaphandle.

uMbuso waseKotilandi uvele uyisizwe esizimele ngekhulu lesishiyagalolunye. Ngokugcina umfelandawonye neFulansi, isiKotilandi sikwazile ukugcina ukuziphatha okwakusongelwa yiNgilandi. Ngo-1603, iNgonyama yaseKotilandi uJakobe VI uphinde waba yiNgonyama yaseNgilandi nase-Ayilendi. Ngo-1707, isiKotilandi neNgilandi zihlangabisiwe ukusungula uMbuso waseBhulithani Nkulu eluholele ekutheni iPhalamende yaseKotilandi ihlanganiswe nePhalamende yaseNgilandi. Ngo-1999, isiKotilandi sinikezwe iPhalamende yaso ehlukile kwiPhalamende yoMbuso oHlangeneyo kepha lisangaphansi kwayo. Ngokusungula futhi, isiKotilandi sigunyazwe ukuziphatha emikhakheni eminingi yezangaphakathi. IsiKotilandi sinezinhlelo ezingqayiveli zezobulungiswa, zemfundo kanye nomlando wenkolo okuholele ekutheni isiKotilandi silondoloze amasiko wobuSkoti kanye nobuhlonzi bobusizwe. IsiNgisi samaSkoti kanye neseSkoti ziyizilimi ezikhulunywa ngabaningi abantu, futhi zihlobene ngendlela enza kubelula ukuthi abakhulumi balezilimi bazwane kalula. IsiGaelic saseKotilandi sitholakala kuyonke indawo kepha abahlali beziqhingi zaseHerbrides yibona kaningi abasincele ebeleni. Abantu abakwazi ukukhuluma isiGaelic saseKotilandi bangama-2% wabantu kodwa uhulumeni unezinhlelo zokuvuselela isiGaelic ezizale indlondlobalo yenani labakhulumi ngokwelimi lwesibili.

isiKotilandi sinezinxenye ezintathu ngaphandle kweziqhingi zaseNyakatho naseHebrides: Umhlaba Phezulu onezintaba eziningi oqukethe inyakatho nenyakatho-ntshonalanga yendawo, Umhlaba Phansi obushelezi noma onesicaba kanye noMhlaba Phakeme waseNingizimu onezigquma ngasemngceleni neNgilandi ngaseningizimu. Umhlaba Phezulu unezintaba ukundlula zonke izindawo zeqhingi yaseBhulithani Nkulu futhi ubandakanya isiqongo esingaphezulu kwazo zonke zalesiqhingi: intaba kaBen Nevis eyizinyawo eziyizi-4,413 noma amamitha ayi-1,345. Futhi uMhlaba Phezulu unamachibi abizwa ama-loch; igama elisetshenziselwa izingeniso zamanzi anosawoti egwini lwaseKotilandi olinezimbobo eziningi.