Thailand

	ราชอาณาจักรไทย; Ratcha Anachak Thai; Königriich Thailand
{{{ARTIKEL-FLAGGE}}}	{{{ARTIKEL-WAPPEN}}}
Amtsspraach	Thai
Hauptstadt	Bangkok (auf Thai: Krung Thep Maha Nakhon etc., Schtadt vo de Ängel)
Staatsoberhaupt	Maha Vajiralongkorn
Regierigschef	Anutin Charnvirakul
Flächi	513.115 km²
Iiwohnerzahl	64.185.502 (Juli 2005)
Bevölkerigsdichti	125,1 Iiwohner pro km²
Bruttoinlandsprodukt pro Iiwohner	3.138 US-$ (2006)
Währig	Baht
Nationalhimne	Phleng Chat
Nationalfiirtig	5. Dezember Geburtsdag vom König ; 10. Dezember Verfassigsdag
Zitzone	UTC+7, kei Summerziit
Kfz-Kennzeiche	T
Internet-TLD	.th
Vorwahl	+66

S Königriich Thailand (Thai: ราชอาณาจักรไทย, in dr Umgangsschbrooch: เมืองไทย) isch ä Schdaat in Südostasie. Es gränzt an Myanmar (anderi Name: Birma oder Burma), Laos, Kambodscha, Malaysia, s Andamanische Meer (Deil vom Indischen Ozean) und dr Golf vo Thailand (Deil vom Pazifik).

Geografy

S Territorium vu Thailand nimmt e große Dail vu dr Landflechi vu Sidoschtasien yy un goot sideschtli vu de letschte Uuslaifer vum Himalaya bis uf di Malaiisch Halbinsle un umschließt do de Golf vu Thailand, e Randmeer vum Sidchinesische Meer. D Landflechi vu Thailand erinneret in ire Gstalt an deChopf vun eme Elifant. Di maximal Uusdehnig in Nord-Sid-Richtig lyt bi 1770 Kilometer, in Oscht-Wescht-Richtig bi 780 km. D Gränze isch insgsamt 5326 Kilometer lang. D Kischte isch im Golf vu Thailand 1878 Kilometer un im andamanische Meer 937 Kilometer lang. Insgsamt het Thailand e Flechi vu 513.115 km². Thailand lyt zwische 5° 37’ un 20° 27’ nerdliger Braiti un zwische 97° 22’ un 105° 37’ eschtliger Lengi.^[1]

D Nordregion isch bärgig, dert findet me de hegscht Punkt vum Land: Doi Inthanon (2565 m). De Nordoschte (Isan) bstoot us de Khorat-Hochebeni, ere Landschaft, wu im Summer staubdrucke un in de Rägezyt iberschwämmt isch un wu kai intensivi Landwirtschaft zuelosst. Bewässerigsbrojäkt un Staudämm solle hdo Abhilf schaffe. Di dertig Bevelkerui isch ermer wie de Durschnitt vum Land. Im Norde un Oschte vum Isan bildet de Mekong d Gränze zue Laos.

D Zäntralregion wird dominiert vum Mae Nam Chao Phraya (Chao-Phraya-Fluss), wu em fruchtbare Land Wasser zuefiert un sidli vu Bangkok in Golf vu Thailand mindet. In de Oschtregion wird vyl buurt, si lyt am Golf vu Thailand. Di schene Stränd un vorglagerete Insle fhän zue me versterkte Turismus gfiert. D Zäntralebeni un d Oschtkischte (Eastern Seaboard) sin s wirtschaftli Härz vum Land. D Sidregion lyt uf de langgstreckte malaiische Halbinsle, wu de Pazifische Ozean vum Indische Ozean drännt. De Isthmus vu Kra bildet di schmalscht Stell zwische de baid Meer un isch nume 64 km brait. Wäg däm siat me Thailand mänkmol ai de „dinn Hals“. Bärglandschafte (im nerdlige Dail s Tenasserim-Gebirge an de Gränze zue Myanmar, im usserschte Side s Gränzgebirg Sankalakhiri zue Malaysia), Rägewald un Draumstränd wägsle si ab.

Greßeri Stedt sin näb de Hauptstadt Bangkok Chiang Mai, Nonthaburi, Samut Prakan, Hat Yai, Nakhon Ratchasima (friejer Khorat), Khon Kaen un Chon Buri.

Thailand isch unterdailt sin segs Regione mit 76 Brovinze; d Näme vu de Brovinze sin idäntisch mit de Näme vu ire Hauptstedt. Di segs thailändische Regione^[2] sind:

Nordthailand mit Brovinze wie Chiang Mai un Chiang Rai
Nordoscht-Thailand (au Isan) mit Brovinze wie Khon Kaen un Nakhon Ratchasima
Zäntralthailand mit Brovinze wie Bangkok un Phra Nakhon Si Ayutthaya
Oschtthailand mit Brovinze wie Chon Buri un Trat
Weschtthailand mit Brovinze wie Kanchanaburi un Phetchaburi
Sidthailand mit Brovinze wie Phuket un Surat Thani

Bevölkerig

Bevölkerigszahl

75 % vo der Bevölkerig si Thai, 14 % Chinese. Die räschtlige Iiwohner si Aghörigi vo de Bergvölker, Khmer, Laote, Malaie, Moke, Inder, Vietnamese, Lolos und Wiissi (Farang).

Johr	Bevölkerig in Mio.	Geburte/Todesfäll pro 1000 Iiwohner
D Bevölkerig vo Thailand vo 1960 bis hüte
1960	23,3	34,2 / 9,7
1982	48,5	30,0 / 7,9
2000	60,8	17,2 / 7,3
2005	65,4	15,7 / 7,02
2010	69,1

Bevölkerigswaggstum: 0,95 % (Schätzig 2003), Bevölkerig 2025: 73,26 Millione (Prognose 2003)
D Chinderstärblikeit bedrait 20 Todesfäll pro 1000 Lebiggeburte (2006).
D Lebenserwartig lit durchschnittlig bi 71,2 Johr, Fraue 73,5 Johr und Manne 69,1 Johr.