Cupressaceae

Cupresaceae
Cupressus sempervirens
Denominacions populars
cupresacias
Clasificación cientifica
Dominio:	Eukaryota
Reino:	Plantae
División:	Pinophyta
Clase:	Pinopsida
Orden:	Pinales
Familia:	Cupressaceae
Descripción
Cupressaceae Bartlett,

As cupresacias^[1] (nombre cientifico Cupressaceae) son una familia de l'orden Pinales con muita importancia en a vechetación de zonas semiaridas d'o hemisferio norte.

As fuellas por un regular tienen forma d'escata, encara que tamién pueden estar aciculars, son oposadas u en verticilos de tres. A mayoría d'os cheneros produce estrobilos lenyosos, encara que en Juniperus, o chenero mes común en Europa os estrobilos son carnosos, son una clase especial de lulos ditos galbulos que permiten a endozoocoria.

En a val d'Ebro y Sistema Iberico as cupresacias son arbustos (y a vegadas arbols) con importancia paisachistica, son os chinebros y sabinas (chenero Juniperus). O ciprecero ye prou conoixiu dende antigo en Aragón como ornamental (en os fosals) u pa aturar a fuerza de l'aire en determinaus campos de cautivo. Especies de cupresacias que se plantan a sobén en os chardins son o ciprecero d'Arizona (Cupressus arizonica) una especie americana d'o chenero Thuja. Afin a lo chenero Thuja ye o chenero Tetraclinis que tien una especie africana (Tetraclinis articulata) que se troba como relicta en o sud d'a Peninsula Iberica).