كمال اللعبي
| لمقال مقطوع من شجرة، ما كايدي ليه تا شي مقال أخر، زيد ليان ديالو ف مقالات خرين. |
| كمال اللعبي | |
|---|---|
| معلومات عامة | |
| الكنية | Chef Kimo ✎ |
| تزاد | 1969 ✎ |
| بلاصة د زيادة | فاس ✎ |
| تاريخ د لموت | 5 فبراير 2026 ✎ |
| لجنسية | مغريبية |
| لكاريير ديال الشخص | |
| لحرفة | طباخ، صانع محتوى |
| بادية لحرفة | 2010 ✎ |
| نهاية لحرفة | 2026 ✎ |
كمال اللعبي، لي معروف بـ سّمية د الشاف كيمو (مزيود ف فاس - توفا ف 5 فبراير 2026) هو طباخ وصانع محتوى مغريبي. كايتعتابر من الوجوه لإعلامية لي اشتهرات بتقديم الطبخ لمغريبي بـ طريقة تقليدية ومبسطة ف مواقع التواصل لإجتماعي، وهادشي خلاه يولي نجم عند لـمغاربة ف لداخل و ف لـخاريج.[1]
تزاد كمال اللعبي ف مدينة فاس وسط عائلة متشبتة بـ لـعادات د لـمطبخ لـفاسي لـعريق. بدا لـمسيرة ديالو ف مجال لـفندقة و لـمطاعم، ولكن لـشهرة لـكبيرة ديالو بدات فـ لسنوات لّخرة ملي بدا كايشارك وصفات ديالو ف فيسبوك وإنستغرام ويوتيوب. كان كايتميز بـ لأسلوب ديالو "لـبسيط" و لـقريب من لـقلب، وكان ديما كايفتخر بـ لـهوية لـمغربية و بـ لـمنتوجات لـمحلية.[2]
الشاف كيمو ما كانش غير طباخ، بل كان كايتعتابر سـفـير د لـمطبخ لـمغريبي ف لـويب، وشارك ف بزاف د لبرامج لإذاعية و لـمتلفزة (بحال ميدي 1 تي في و دوزيم) وبودكاستات كايناقش فيها لـهوية لـمغربية و لـمشاريع لـمهنية.[3][4]
توفا الشاف كيمو فـ 5 فبراير 2026 على عمر كايناهز 57 عام، مورا ما عانا مع لـمرض لـفترة قصيرة. لـوفاة ديالو خلات حزن كبير وسط لـمتتبعين ديالو و لإعلاميين لـمغاربة، ونعاه بـزاف د لـمشاهير و لـمؤسسات لإعلامية لـكبيرة.[5][6]
- ↑ "وفاة الطاهي المغربي كمال اللعبي الشهير بـ "الشيف كيمو"". الجزيرة نت (ب العربية).
- ↑ "من أصول فاسية.. الشاف كيمو يحكي عن تجربته". أنفا بريس (ب العربية).[ليان مهرس ديما]
- ↑ "بودكاست إلهاميات: الشيف كيمو والتميز المغربي". CastArabi.
- ↑ "Chef Kimo, star incontestée de la cuisine marocaine en ligne". Maroc Hebdo (ب الفرنسية).
- ↑ "الموت يخطف الطباخ المغربي "شاف كيمو"". هسبريس (ب العربية).
- ↑ "Décès de Chef Kimo à l'âge de 57 ans". Le Matin (ب الفرنسية).