انتقل إلى المحتوى

ليتيحاد الدولي ديال كورة

بدل ليانات
سمع (فيشي)
من ويكيپيديا
(تحولات من FIFA)
ليتيحاد الدولي ديال كورة
شعار: For the Game. For the World.
ليتيحاد الدولي ديال كورة
معلومات عامة
تأسسات21 ماي 1904 ف باريز
لمقر فزيورخ
رياضة دكورة، فوتسال و كرة القدم الشاطئية
مترأسة علىعالمي
لمدير ديالهاجياني إنفانتينو
معلومات خرين
لوغات رسمييننڭليزية، لفرانساوية، لألمانية و صبليونية
السيت الرسميfifa.com


ليتيحاد الدولي ديال كورة (بالنݣليزية: International Federation of Association Football، بلفرانساوية: Fédération Internationale de Football Association) أولّا FIFA[1] هي منضامة دولية كاتحكّم فالرياضة د كورة فلعالم. هاد لمنضامة داخل فيها 211 عضو (بلدان وأراضي). تأسس هاد ليتيحاد نهار 21 ماي 1904[2] ف باريز[3] باش يراقب التورنوايات الدوليين اللي كانو مابين ألمانيا، بلجيكا، الدانمارك، فرانسا، هولاندا، الصبليون، السويد وسويسرا، وتزادو ليها شي دول قبل من لحرب لعالمية اللولة بحال كانادا ف 1913 ولميريكان ف 1914.[4]

ليوما لمقر ديالها كاين فمدينة زوريخ فسويسرا، وكايترأسها السويسري الطالياني جياني إنفانتينو من 26 فبراير 2016. أشهر حاجة معروفة بيها لفيفا هي كاس لعالم، واللي تنضم أول مرة فمدينة موتيڤيديو، اللي هي لعاصيمة ديال لأوروݣواي.[5] لفيفا كاتدخل لفلوس من ليشهارات والصپونصورات، واللي وصلو ف 2018 ل 4.7 مليار دولار ميريكاني (42 مليار درهم مغريبي)، وكان فيهوم رباح ديال 1.2 مليار دولار ميريكاني (10 دلمليار ديال الدرهم). لخزينة ديال لفيفا وصلات 2.7 مليار دولار ميريكاني (24 مليار درهم) فلافان ديال لفترة مابين 2015 و2018.[6]

لمؤسسات د لفيفا

[بدل | بدل لكود]
لمقر ديال لفيفا فزوريخ، سويسرا

لعضو لمجهد ݣاع فلمؤسسات ديال لفيفا هو لكونݣريس د لفيفا (بالنݣليزية: FIFA Congress)، اللي هو مجليس فيه ممتيلين من كولا بلاد وأرض عضو واللي كايتدار لمؤتمر ديالو لعادي مرّة كولّا عام، ومن 1986 جوج مرات فلعام. لكونݣريس هو بوحدو اللي عندو لحق يبدّل لقوانين ديال لفيفا.كاينة اللجنة ليستيعجالية ديال لفيفا، واللي كاتعامل معا لحوايج ولمشاكل الضروريين مابين كولا مجمع ديال لونݣريس.[7]

هاد لكونݣريس كايصوت على الدخول ديال بلدان وأعضاء جداد وكاينتاخب الرايس ديال لفيفا ولأمين لعام واللجنة التنفيدية.[8] الرايس ديال لفيفا ولأمين لعام كايݣابلو اللي طاري فلفيفا وبرّا ديالها، أما اللجنة التنفيدية واللي كايترأسها الرايس د لفيفا هي اللي مسؤولة على لوقات ولبلايص والشكال ديال التورنوايات. لفيفا كاينة فسويسرا، داكشي لاش هي مؤسسة اللي تابعة وكاتحتارم لقانون السويسري.

الراية والنشيد

[بدل | بدل لكود]
الراية ديال لفيفا.

الراية ديال لفيفا هي راية زرقة وفيها اللوݣو ديال لفيفا بلبيض. الراية الجديدة ديال لفيفا بدات كاتخدّم من لحفلة ديال لحلّان د كاس لعالم 2018 ديال روسيا، ومن تما وديما لفيفا خدامة بيها.

النشيد ديال لفيفا هو نشيد صاوب لألماني فرانز لامبرت اللحن ديالو من 1994، وعاودو ليه روب ماي وصايمون هيل لينتاج.[9][10] كايتغنى النشيد فلميطشان والتورنوايات اللي كاتنضمهوم لفيفا.[11] من 2007 فرضات لفيفا على الشوركة دياولها اللي كايدوزو لميطشان باش يدوزو مورصو صغير ديال النشيد قبل ومن مورا لميطشان، هادشي باش تزير لفيفا تشهر لمستشهيرين ديالها.[12]

لأعضاء د لفيفا

[بدل | بدل لكود]

كاينين ستة ديال لكونفيديراليات ولمنضامات الدولية اللي معتارفة بيهوم لفيفا باللي تابعين ليها. هاد لمنضامات هوما:

فلمجموع، لفيفا كاتعتارف ب 211 جامعة وطنية ديال لكورة و129 فرقة ديال لكورة ديال لعيالات.

الناس اللي ترأسو لفيفا

[بدل | بدل لكود]
ت.السميةلبلادخدا لپوسطخرج من لپوسطملاحضة
1روبير ݣيرانفرانسا23 ماي 19044 يونيو 1906
2دانييل بورلي وولفالموضيل:Country data GBموضيل:Preview warning4 يونيو 190624 أكتوبر 1918مات
—كورنيليس أوݣاست ويليم هيرشمانهولندا24 أكتوبر 19181920مؤقات
3جول ريميفرانسا1 مارس 192121 يونيو 1954
4رودولف سيلدرايرزموضيل:Country data BEموضيل:Preview warning21 يونيو 19547 أكتوبر 1955مات
5آرتر دريوريموضيل:Country data GBموضيل:Preview warning9 يونيو 195625 مارس 1961مات
—إرنست طومنموضيل:Country data CHموضيل:Preview warning25 مارس 196128 شتنبر 1961مؤقات
6سطانلي روسموضيل:Country data GBموضيل:Preview warning28 شتنبر 19618 ماي 1974
7خواو هاڤيلانݣموضيل:Country data BRموضيل:Preview warning8 ماي 19748 يونيو 1998
8سيپ بلاترموضيل:Country data CHموضيل:Preview warning8 يونيو 19988 أكتوبر 2015تراو عليه
—عيسى حياتوموضيل:Country data CMموضيل:Preview warning8 أكتوبر 201526 فبراير 2016مؤقات
9جياني إينفانتينوموضيل:Country data ITموضيل:Preview warning
موضيل:Country data CHموضيل:Preview warning		26 فبراير 2016خدام دابا

مصادر

[بدل | بدل لكود]
  1. ↑ "Fédération Internationale de Football Association". Filmcircle.com. 11 يونيو 2014. Archived from the original on 8 أكتوبر 2014. Retrieved 11 يونيو 2014.
  2. ↑ FIFA.com. "History of FIFA - Foundation - FIFA.com". FIFA.com (ب British English). Archived from the original on 2019-03-31. Retrieved 15 يونيو 2018.
  3. ↑ "Classic Football History of FIFA – Foundation". Archived from the original on 2015-03-28. Retrieved 2021-09-14.
  4. ↑ FIFA (10 شتنبر 2009). "FIFA's 208 Member Associations" (PDF). Archived (PDF) from the original on 2019-06-26. Retrieved 1 دجنبر 2015.
  5. ↑ Council, Manchester City. "About the National Football Museum | The National Football Museum at Urbis | Manchester City Council". www.manchester.gov.uk (ب الإنجليزية). Archived from the original on 1 دجنبر 2017. Retrieved 28 نونبر 2017.
  6. ↑ FIFA Financial Report 2018 (PDF) (Report). 31 دجنبر 2018. Archived (PDF) from the original on 2021-04-29. Retrieved 2021-09-14.
  7. ↑ "Emergency Committee". FIFA. Archived from the original on 2018-10-19. Retrieved 7 دجنبر 2015.
  8. ↑ "FIFA Congress". FIFA. 27 ماي 2011. Archived from the original on 5 أبريل 2010.
  9. ↑ Kearney, Judith; Wood, Lesley; Teare, Richard (28 أكتوبر 2015). Designing Inclusive Pathways with Young Adults: Learning and Development for a Better World. Springer. ISBN 9789463001571 – via Google Books.
  10. ↑ "FIFA's 113th foundation day: 10 things you should know about world football's governing body : Sports Arena". indiatoday.intoday.in. Archived from the original on 2017-10-16. Retrieved 2021-09-14.
  11. ↑ "FIFA anthem". YouTube. Archived from the original on 2023-03-26. Retrieved 19 ماي 2010.
  12. ↑ "The extraordinary power of the football song". BBC. 14 يونيو 2018. Archived from the original on 9 فبراير 2020.
Wikimedia Commons ويكيميديا كومنز عندا تصاور و معلومات على ليتيحاد الدولي ديال كورة.
مرجّعة من "https://ary.wikipedia.org/w/index.php?title=ليتيحاد_الدولي_ديال_كورة&oldid=483945"