Lee Miller

Lee Miller
Vida
Nacimientu	Poughkeepsie, 23 d'abril de 1907
Nacionalidá	Estaos Xuníos
Residencia	El Cairu Chiddingly (en) Londres
Muerte	Chiddingly (en) , 21 de xunetu de 1977 (70 años)
Causa de la muerte	cáncanu
Familia
Casada con	Aziz Eloui Bey (en) (1934 – 1947) Roland Penrose (1947 – )
Pareyes	Man Ray
Fíos/es	Antony Penrose
Hermanos/es	Johnny Miller (en)
Estudios
Estudios	Oakwood Friends School (en) Art Students League of New York Escuela Nacional Superior de Belles Artes (1925 - 1926)
Llingües falaes	inglés
Oficiu
Oficiu	corresponsal de guerra, fotógrafa de guerra, fotoperiodista, modelu, periodista, artista, fashion photographer (en) , fotógrafa, actriz
Participante dOCUMENTA (13) The Family of Man (en)
Llugares de trabayu	Estaos Xuníos, París, Nueva York, Londres, Gran Bretaña, Normandía, Saint-Malo, París, Alsacia, Buchenwald concentration camp (en) y Múnic
Movimientu	surrealismu
IMDb	nm0998525
leemiller.co.uk

Elizabeth Miller, conocida como Lee Miller (23 d'abril de 1907, Poughkeepsie – 21 de xunetu de 1977, Chiddingly ^(en) ), foi una fotógrafa, fotoperiodista y modelu d'Estaos Xuníos. Desenvolvió parte de la so obra dientro del surrealismu y, durante la Segunda Guerra Mundial, exerció como corresponsal de guerra de la revista Vogue, documentando la lliberación de París y de los campos de concentración de Dachau y Buchenwald.

Biografía

Miller nació en Poughkeepsie, Nueva York. Na década de 1920 trabayó como modelo en Nueva York y apaeció en publicaciones como Vogue. En 1929 treslladóse a París y entró en contautu col fotógrafu y artista surrealista Man Ray, del que foi collaboradora, modelo y compañera.

Miller desenvolvió una carrera propia como fotógrafa y experimentó con procedimientos como la solarización. En 1932 volvió a Nueva York y abrió un estudiu fotográficu. Más tarde vivió n'Exiptu tres el so matrimoniu con Aziz Eloui Bey, periodu nel que realizó fotografíes de paisaxe y arquitectura.

Al empezar la Segunda Guerra Mundial taba instalada en Gran Bretaña col artista Roland Penrose. Trabayó pa Vogue y en 1942 foi acreditada como corresponsal de guerra pol Exércitu d'Estaos Xuníos. Documentó'l Blitz, la campaña de Normandía, la lliberación de París, los combates n'Alsacia y la entrada de les tropes aliaes n'Alemaña.

En 1945 fotografió los campos de concentración de Buchenwald y Dachau. El mesmu día de la lliberación de Dachau, Miller y el fotógrafu David E. Scherman llegaron al apartamentu de Adolf Hitler en Múnich, onde Scherman realizó la conocida fotografía de Miller na bañera del dictador.

Tres la guerra abandonó progresivamente la fotografía profesional y vivió con Penrose en Farleys House, n'East Sussex. Gran parte del so archivu permaneció desconocíu hasta que'l so fíu Antony Penrose empezó a catalogalu tres la muerte de Miller. El Lee Miller Archives conserva y estudia actualmente la so obra.

Enllaces esternos

• Lee Miller Archives

• Datos: Q265131
• Multimedia: Lee Miller (photographer)