Vikipediya:Bilirsinizmi/44. Həftə 2026

1995-ci ildə qəbul edilən Belarus gerbi (şəkildə) sovet ənənəsini davam etdirmək məqsədini daşıyırdı.
Yunan mifologiyasında Zevsin məşuqəsi İo münasibətləri Heradan gizli qalsın deyə inəyə döndərilmiş, at milçəyi tərəfindən təqib olunduqdan sonra Misirdə yenidən insan formasına qayıtmışdır.
Türkiyə futbolçusu Mustafa Xeyri Azərbaycan çempionatında çıxış edən, həmçinin qol və avtoqol vuran ilk legioner futbolçu olub.
Cənubi Koreya repçisi Soyon ilk mahnılarından olan "Idle Song" adlı mahnısını "Süngər Bob Kvadrat Şalvar" cizgi serialının əsas musiqisindən ilham alaraq ərsəyə gətirib.
Yaponiyada yerləşən və taksidermiyaya həsr olunmuş Şiqa Safari Muzeyində sərgilənən bütün heyvanlar tək bir ovçu tərəfindən ovlanıb.