Ааруул

Айруул, аарюул, айрһан - бозогоор хэдэг монгол арадуудай сагаан эдеэн.

монгол бэшэгээр

Хубаариинь

Ааруул болбол элдэб дүрсэ хэмжээтэй хатааһан аарса. Олон хүн энээниие биһалаг гэжэ тоолобошье энэ баталалтань буруу ха юм. Айрһан олон түхэлтэй байна:

• Мойлон айруул

• Хурууд
• Һүн хурууд
• Зоосон айруул
• Шахамал айруул
• Хорхой айруул
• Дүрбэлжэн айруул
• Дугы айруул
• Эмээлэн айруул

Хэхэ арга

Тогооной архи нэрэһэн һүүлдэнь бозо (сагаа, уураг аминдэм ехэтэй үдхэн үлэсэ) үлэнэ. Сагаа шүүгээд, хэблэн гаргаад, дэлгэсэ дээрэ гү, али уһагүйжуулагша соо хатаана.

Монгол уласта

Монгол уласта ааруул ехэ хэмжээндэ үйлэдбэрилнэ. Шоколад амтатай, жэмэстэй гү, али нэмэлтэгүйе оложо шадаха.

Хитадта

Үбэр Монголдо айрһанай элдэб зүйлнүүдые баһа үйлэдбэрилнэ. Ехэнхидээ тэндэхи олон дүрсын айруул зөөлэн, шэхэртэй, сүсэгын амтатай байна. Хитадууд энээн 马背奶干 (mǎbèinǎigān), 奶酥 (nǎisū), 乳酥 (rǔsū) гэдэг.

Буряад уласта

Буряад орондо айрһа тосхон айлда хэдэг. 2018 ондо олзын хэрэг эрхилэгшэдэй бүлэг ааруул үйлэдбэрилжэ үзээ аад, амжалтагүйтаба. 2025 онһоо "Край родимый" гэһэн хамжаан ааруул үйлэдбэрилээд байна.

Зурагай һан

• 
• 
• 
• 
  Дурнагубиин малшан айлай аарюул

Мэдээсэлэй эхи

• Б.О. Дамдинжапова, Буряад монголой хоол. 200 заабари /Б.О. Дамдинжапова — Улаан-Үдэ: НоваПринт, 2018. - 240 х., зур.
• «Ааруул» - вкус забытых традиций
• https://molokobur.ru/products#!/tab/238759168-7