Antone Bonifacio
Antone Bonifacio (1866-1933) hè statu un autore è pueta corsu.
Biugrafia
[mudificà | edità a fonte]Antone Bonifacio nascì in Granaghjolu d'Ersa, in u Capicorsu u 19 di ghjennaghju di u 1866. Fù prufissore in l'insignamentu sicundariu, in i culleghji o in i licei d'Aiacciu, Corti, Bastia è Nizza. Antone Bonifacio era cugnumatu Tiziu. Hà fundatu l'Annu Corsu à Nizza, incù Paulu Arrighi in u 1923. Antone Bonifacio fù un autore di teatru: U Scupatu, All'urna (1923). Hà scrittu dinù bon'parechje puesie, da u 1916 à u 1921, chì sò state publicate dopu in Frutti d'Imbernu in u 1925. Parechje di e so puesie sò state misse in musica da Petru Santu Leca (1879-1951): Ti tengu cara è Sott'a lu Ponte.
Antone Bonifacio hà scrittu dinù A Prima Grammatichella Corsa in u 1926, chì u fine n'era l'unificazione di a scrittura corsa.
Antone Bonifacio morse in Nizza u 4 di ghjugnu di u 1933. Carulu Giovoni li fece tandu u seguente omagiu:[1]
| « ùn hà mai scrittu un versu in vanu. Ogni riga era pregna à murale è savviezza. » |
A parlata d'Antone Bonifacio era quella di u Capicorsu, più pricisamente quella di u so paese di Granaghjolu d'Ersa. Hà scrittu prima parechje opere in talianu o in francese è hè vinutu più dopu à a scrittura in lingua corsa.
Opere
[mudificà | edità a fonte]Teatru
[mudificà | edità a fonte]- E galline di Zia Mega (1923),
- All'urna (1923),
- U Scupatu (1923),
- Saremu soli... o pattunate (1933).
Puesia
[mudificà | edità a fonte]- Frutti d'imbernu (1924): una raccolta di puesie, incù un prefaziu d'Alfredo Galletti, prufissore di litteratura taliana à l'Università di Bologna. Cumprende frà altre: A Vita hè una Lotta, Malumore.
Prosa
[mudificà | edità a fonte]- Scappa Scappa Trè quadretti (1923),
- L'angunia di un paisolu corsu (1926),
- Prima di More: publicatu in L'Annu Corsu per u 1926.[2]
Linguistica
[mudificà | edità a fonte]- A prima grammatichella corsa (1926).