Nu metal
|
Nu metal
|
|
|---|---|
 |
|
|
Infòrmacje
|
|
| Lata rozwiju | lata 90. XX w. – do dzys |
| Plac pòwstaniô | Zjednóné Stanë Americzi |
| Zrzeszoné ôrtë | alternatiwny metal, groove metal, hardcore punk, hip-hop, funk metal, industrial metal |
| Instrumentë | elektricznô gitara, basowô gitara, perkùsjô, wòkal, turntablizm, sampler, syntezatór |
| Zortë | rap metal, rap rock, industrial metal |
|
Artiscë
|
|
| Korn, Deftones, Limp Bizkit, Slipknot, Linkin Park, System of a Down, Papa Roach, Coal Chamber, P.O.D., Static-X, Mudvayne, Drowning Pool, Disturbed, Ill Niño, Soulfly, Sevendust | |
Nu metal – mùzyczny ôrt, jaczi rozwinął sã w Zjednónëch Stanach w latach 90. XX stalatégò. Parłãczi elementë alternatiwnégò rocka, hardcore punkù, hip-hopù a elektroniczny mùzyczi. Charakteristiczné dlô nu metalu są cãżczé, niskò strojoné gitarë, mòckò ritmiczné riffë, kòntrast pòmidzë agresywnym a melodijnym wòkalã a téż czãsté wëzwëskanié elementów brëkòwónëch w hip-hopie.[1]
Nimò znankòwaniô „metal” w pòzwie, nu metal rozwijôł sã przédno na sztilu scenë hardcore'u, alternatiwnégò rocka a hip-hopù. Termin „nu metal” béł téż szerok wëzwëskóny przez mùzyczną industriã do znankòwaniô rozmajitëch karnów parłãczącëch cwiardé brzëmienié z elementama pòpùlarny mùzyczi.
Charakteristika
[edicëjô | edituj kòd]Nu metal ni mô jednégò, zemkło òpisónégò sztilu. Kònkretné karna czãsto wëzwëskałë rozmajité cësczi, przez co brzëmienié ôrtu mòże znaczno sã różnic.
Do charakteristicznëch elementów nu metalu nôleżą niskò strojoné a przesterowóné gitarë, cãżczé riffë, wëraznô ritmicznô sekcjô a téż czãsté wëzwëskanié ritmiczi inspirowóny hip-hopã. Wòkal mòże parłãczëc spiéw, krzik, rap a téż barżi melodijné partie.[2]
W parce ùsôdzków wëzwëskóné są téż: turntablizm, sample, syntezatorë a jinszé elementë elektroniczné. Niechtërné karna kòrzistałë téż z hardcore punku, industrialu, funkù abò jinszich òdmianów alternatiwny mùzyczi.
Tekstë nu metalowëch ùsôdzków czãsto tikają sã òsobistëch tôklów, familijnëch kònflitków, alienacje, przemòcë, zanôleżnosców, spòlëznowëch tôklów a téż drãdżich doswiôdczeniów zrzeszonëch z dorôstanim. Tématika nie je równak jednorodnô a òbjimô téż ùsôdzczi ò barżi rozriwkòwim abò òsobistim charakterze.[3]
Historiô
[edicëjô | edituj kòd]Nu metal pòwstôł na zôczątkù lat 90. XX stalatégò w Zjednónëch Krajach. Za jednégò òd pierszińców ôrtu ùznaje sã karno Korn, jaczégò debiutowi albùm Korn z 1994 rokù wëwiarł wiôldżi cësk na rozwij nowégò brzëmieniô. Do rëchlészëch przedstôwców negò zortu należałë téż karna Deftones a Coal Chamber.[4]
Pòd kùńc lat 90. nu metal pòczął zwëskiwac pòpùlarnotã na całim swiece. Wiôldżi sukces òdniosłë karna Limp Bizkit, Korn, Slipknot a téż System of a Down. Czëp pòpùlarnotë ôrtu przëpôdł na przełómanim XX a XXI stalatégò, czej ùkazałë sã albùmë Significant Other (1999), Chocolate Starfish and the Hot Dog Flavored Water (2000) a téż Hybrid Theory (2000) karna Linkin Park.[5]
W pòłowie pierszi dekadë XXI stalatégò pòpùlarnota nu metalu pòczãła ùpadac. Part karnów pòmale òdchòdzył òd charakteristicznégò brzëmieniégò ôrtu, eksperimentëjącë z jinszima òdmianama rocka a metalu.[6] Pònimò spôdkù zainteresowanim nu metalã, ten dali wëwiérôł cësk na alternatiwną mùzykã, a w latach 2010. a 2020. pònowno rosło zainteresowanié jegò sztilistiką.[7]
Przëpisë
[edicëjô | edituj kòd]- ↑ Catherine Hoad: Significantly Othered: Limp Bizkit and the Politics of Nu Metal “Otherness”. [w:] Rock Music Studies [ònlajn]. tandfonline.com, 2023. [przëstãp 2026-10-25]. an..
- ↑ Catherine Hoad: Significantly Othered: Limp Bizkit and the Politics of Nu Metal “Otherness”. [w:] Rock Music Studies [ònlajn]. mro.massey.ac.nz, 2023. [przëstãp 2026-10-25]. an..
- ↑ Jon O'Brien: Anything But Predictable: How 'Korn' Pioneered Nu-Metal. [w:] GRAMMY [ònlajn]. grammy.com, 2024-10-11. [przëstãp 2026-10-25]. an..
- ↑ Jon O'Brien: Anything But Predictable: How 'Korn' Pioneered Nu-Metal. [w:] GRAMMY [ònlajn]. grammy.com, 2024-10-11. [przëstãp 2026-10-25]. an..
- ↑ Proof That Generation Z Has Brought About a Nu-Metal Revival. [w:] Loudwire [ònlajn]. loudwire.com. [przëstãp 2026-10-25]. an..
- ↑ Dannii Leivers: The most exciting new sound of 2020 is… nu metal. [w:] Metal Hammer [ònlajn]. loudersound.com, 2020-07-10. [przëstãp 2026-10-25]. an..
- ↑ Paul Travers: How TikTok is helping the resurgence of nu metal. [w:] Metal Hammer [ònlajn]. loudersound.com, 2024-01-13. [przëstãp 2026-10-25]. an..
Bùtnowé pòwrózczi
[edicëjô | edituj kòd]
Zbiérk òdjimków na Wikimedia Commons