Gwobrau Laurence Olivier
 | |
| Enghraifft o: | grŵp o wobrau  |
|---|---|
| Dechrau/Sefydlu | 1976 |
| Enw brodorol | Laurence Olivier Award |
| Gwladwriaeth | y Deyrnas Unedig |
| Rhanbarth | Llundain |
| Gwefan | https://officiallondontheatre.com/olivier-awards/ |
| Dynodwyr | |
 Ffeiliau perthnasol ar Gomin Wicimedia | |
Cyflwynir Gwobrau Laurence Olivier, a elwir hefyd yn Wobrau Olivier, yn flynyddol gan Gymdeithas Theatr Llundain (SOLT) i gydnabod "statws byd-eang theatr Llundain." [1] [2] Yn wreiddiol, gelwid y gwobrau yn Wobrau Theatr Cymdeithas y West End, ond cawsant eu hailenwi er anrhydedd i'r actor Seisnig o'r un enw ym 1984.
Rhoddir y gwobrau i unigolion sy'n ymwneud â chynyrchiadau theatr yn y West End a theatrau anfasnachol eraill, sydd wedi'u lleoli yn Llundain. Mae ystod eang o gategorïau sy'n cynnwys dramâu, sioeau cerdd, dawns, opera a theatr gysylltiedig. Caiff y Gwobrau eu cydnabod yn eang fel yr anrhydedd uchaf mewn theatr a drama ym Mhrydain, sy'n cyfateb i Wobrau BAFTA ar gyfer ffilm a theledu.
Dros y degawdau, mae nifer helaeth o Gymry wedi ennill y Gwobrau gan gynnwys Daniel Evans [a enillodd ddwy 2001 a 2007], Jonathan Pryce [a enillodd ddwy 1980 a 1990], David Thaxton (2010), Michael Bogdanov (a enillodd ddwy 1979 a 1990) Guy Masterson (2010), Rebecca Trehearn (2017), Aneurin Barnard (2010), Iwan Rheon (2010), Gary Owen a Theatr y Sherman (2018). [3][4] Cafodd yr actores Siân Phillips ei henwebu 4 gwaith.
Cefndir
[golygu | golygu cod]Sefydlwyd y Gwobrau ym 1976 gan Gymdeithas Theatr Llundain fel Gwobrau Theatr Cymdeithas y West End ac fe'u cynlluniwyd gan yr artist Tom Merrifield. Cynhaliwyd y seremoni gyntaf ym mis Rhagfyr 1976 yn y Café Royal. Ym 1984, rhoddodd yr actor Prydeinig Laurence Olivier ei ganiatâd i'r gwobrau gael eu hailenwi er anrhydedd iddo a daethant yn adnabyddus fel Gwobrau Laurence Olivier.[5]
Enillwyr nodedig
[golygu | golygu cod]Enillwyd y nifer mwyaf erioed o Wobrau Olivier gan un cynhyrchiad dramatig yn 2017, sef y ddrama Harry Potter and the Cursed Child. Mae'r record ar gyfer y dramâu cerdd yn gyfartal rhwng Paddington: The Musical (2026), Sunset Boulevard (2024), Cabaret (2022), Hamilton (2018) a Matilda (2012) pob un wedi ennill 7 Gwobr.
Derbyniodd y cynyrchiad The Curious Incident of the Dog in the Night-Time (2013) 7 Gwobr, a Nicholas Nickleby (1980) a My Neighbour Totoro (2023) 6 Gwobr. Cafodd Life of Pi (2022), Chimerica (2014), Sunday in the Park with George (2007) [gyda Daniel Evans], She Loves Me (1995) a Guys and Dolls (1982) 5 Gwobr.
O ran unigolion, y cynhyrchydd theatr Sonia Friedman sydd wedi cipio'r nifer mwyaf o Wobrau - 18 hyd 2026. Mae'r cynllunydd William Dudley, Judi Dench a'r cyfarwyddwr Matthew Bourne wedi ennill 7 Gwobr. Enillodd Dench y Wobr Arbennig am ei Chyfraniad i Fyd y Theatr (2004) yn ogystal. Enillodd Andrew Lloyd Webber 6 Gwobr, gan gynnwys y Wobr Arbennig am ei Gyfraniad i Fyd y Theatr (2008). Mae Ian McKellen, Alan Bennett, Richard Eyre a Stephen Sondheim wedi ennill 5 Gwobr.
Ymysg yr enillwyr niferus eraill mae Imelda Staunton, Michael Frayn, Clare Higgins, Alex Jennings, Sam Mendes, Trevor Nunn, Philip Quast, Willy Russell, Simon Russell Beale, Frances de la Tour a Bunny Christie.
Cyfeiriadau
[golygu | golygu cod]- ↑ "Olivier Awards | Official London Theatre". officiallondontheatre.com (yn Saesneg). 2026-03-09. Cyrchwyd 2026-03-31.
Established in 1976, the Olivier Awards celebrate the world-class status of London theatre and are Britain’s most prestigious stage honours.
- ↑ "Olivier Awards". SOLT (yn Saesneg). Cyrchwyd 2026-03-31.
The Olivier Awards celebrate the world-class status of London theatre, and are one of theatre’s most prestigious stage honours.
- ↑ "Gwefan BBC".
- ↑ "Gwefan BBC".
- ↑ "10 things you probably didn't know about the Olivier Awards | Official London Theatre". officiallondontheatre.com (yn Saesneg). 2017-10-20. Cyrchwyd 2026-07-03.