Yves Nevelsteen
| Yves Nevelsteen | |||||
|---|---|---|---|---|---|
 Yves Nevelsteen dum Esperanto-prezento en majo 2026 | |||||
| Persona informo | |||||
| Yves Nevelsteen | |||||
| Naskiĝo | 21-an de junio 1974 en  Kapellen, Belgio | ||||
| Nacieco | belgo | ||||
| Lingvoj | Esperanto • nederlanda • franca • angla • germana vd | ||||
| Ŝtataneco | Belgio  vd | ||||
| Familio | |||||
| Amkunulo | Jenny Cornelis | ||||
| Infanoj | Jente Nevelsteen | ||||
| Profesio | |||||
| Okupo | esperantisto (1989–) • redaktisto • tradukisto • leksikografo • komputosciencisto vd | ||||
| Verkado | |||||
| Ĝenroj | Esperanto-referenclibroj | ||||
| Verkoj | Vikipedio - praktika manlibro Komputeko | ||||
| |||||
| En TTT | Oficiala retejo vd | ||||
| vd | Fonto: Vikidatumoj | ||||
Yves NEVELSTEEN [if ne:velste:n] (naskiĝis la 21-an de junio 1974 en Kapellen), estas belga esperantisto. Esperanton li eklernis en 1989.
Inter 2004 kaj 2007 li estis prezidanto de FLEJA (Flandra Esperantista Junulara Asocio), poste vicprezidanto. En 2007-2008 li estis kasisto de E@I. Ekde 2025 li estas prezidanto de Belga Esperanto-Federacio.
Plenkreskinta en Kalmthout kaj finstudinta pri komunikado ĉe altlernejo en Antverpeno, li poste loĝis interalie en Gent, Deinze, Putte kaj Loveno.
Profesie Yves estis interalie tradukisto de komputilaj programoj kaj sendependa eldonisto.
Yves Nevelsteen aktivis kiel prizorganto de pluraj agadoj de FLEJA (retpaĝaro, revuo Jongeren Esperanto Nieuws, (kun)organizanto de PSKK). Li aktivas kiel redaktanto en la Vikipedio en Esperanto, kompilinto de la esperantlingva Manlibro pri Vikipedio kaj kreinto de prikomputila terminokolekto Komputeko, projekto evoluigata kadre de E@I. Al la kopirajta sceno li kontribuis per oficiala Esperanto-traduko de la permesiloj Creative Commons.
Nuntempe (2026) Yves en Esperantujo ĉefe okupiĝas pri la evento-diskoniga retejo Eventa Servo de UEA.
Verkoj
[redakti | redakti fonton]- Vikipedio - praktika manlibro, aŭtoro: Yves Nevelsteen, eldonejo Espero, Partizánske, 2007 (2-a eldono), 39 paĝoj, 15 cm, ISBN 978-80-969533-3-2
Praktika manlibro por ĉiu, kiu interesiĝas pri la reta, libera enciklopedio "Vikipedio". - Komputeko, eldonejo Espero, Partizánske, 2008 (1-a eldono), 92 paĝoj, ISBN 978-80-969533-9-4. Prikomputila terminokolekto.
Diplomoj kaj distingoj
[redakti | redakti fonton]Dum la virtuala kongreso de Esperanto en 2020, Yves Nevelsteen estis diplomita kiel elstara aganto pro elstara kunlaborado en pluraj retaj agadoj (Eventa Servo, Vikipedo, Komputeko), starigo de la fonduso Instigo-Liberapay, Esperanto-traduko de retejoj kaj programoj kaj aliaj projektoj, kiel Eksterrete kaj kolekto de markoj en Esperanto [1]
Dum la Universala Kongreso en Nitra (Slovakio) en 2016, Yves gajnis per la verko Komputeko 2012 la duan lokon en la branĉo Libro de Premio Pirlot por la plej bonaj sciencaj verkoj en 2010-2015.
Eksteraj ligiloj
[redakti | redakti fonton]- Intervjuo kun Yves Nevelsteen kiun faris Loïc Rossi en novembro 2017.
- Zamenhoffesto 2017 – Prelego de Yves Nevelsteen pri Komputilaĵoj kaj Retaj Projektoj - filmita de Loïc Rossi en novembro 2017.
- Paĝo pri Yves Nevelsteen en la Panteono de Edukado.net
- Intervjuo kun Yves Nevelsteen en la 182-a elsendo de la podkasto de Varsovia Vento pri la libroservo de Flandra Esperanto-Ligo dum la Junulara E-Semajno en Belgio en decembro 2024.
- Intervjuo kun Yves Nevelsteen por la podkasto EsKu (Esperanto-Kulturo) de Thierry Spanjaard (2026-04)