Jacob Vestergaard
| Jacob Vestergaard | |
|---|---|
 | |
| Landstýrismaður í Vinnumálum | |
| Núverandi | |
| Tók við starvinum 13. apríl 2026 | |
| Fiskimálaráðharri | |
| Í embæti 16. september 2019 – 20. desember 2021 | |
| Undanmaður | Høgni Hoydal |
| Eftirmaður | Árni Skaale |
| Í embæti 6. februar 2012 – 15. september 2015 | |
| Undanmaður | Jákup Mikkelsen |
| Eftirmaður | Høgni Hoydal |
| Í embæti 17. februar 2003 – 3. februar 2004 | |
| Undanmaður | Jørgen Niclasen |
| Eftirmaður | Johan Dahl |
| Í embæti 26. september 2008 – 6. apríl 2011 | |
| Undanmaður | Tórbjørn Jacobsen |
| Eftirmaður | Johan Dahl |
| Innlendismáláðharri | |
| Í embæti 1. desember 2005 – 23. november 2007 | |
| Undanmaður | Jógvan við Keldu |
| Eftirmaður | Heðin Zachariasen |
| Løgtingslimur | |
| Núverandi | |
| Tók við starvinum 19. januar 2008 | |
| Borgarstjóri í Sumbiar kommunu | |
| Í embæti 1. januar 1993 – 17. februar 2003 | |
| Í embæti 3. februar 2004 – 31. desember 2004 | |
| Persónlig kunning | |
| Fødd(ur) | 7. apríl 1961 Tvøroyri, Føroyar |
| Politiskur flokkur | Fólkaflokkurin |
| Hjúnafelagi(ar) | Sólfríð Vestergaard |
Jacob Vestergaard (føddur 7. apríl 1961 á Økrum) er føroyskur politikari, valdur á Føroya Løgting í 2008 og fekk tá flestar atvøður í flokki sínum Fólkaflokkinum. Hann var borgarstjóri í Sumbiar kommunu í tíðarskeiðnum 1. januar 1993 til februar 2003 og so aftur frá 1. januar 2004 og árið út. Hann var formaður í Føroya Kommunufelag 2001–2003. Jacob er útbúgvin løgreglumaður (politistur). Hann var fiskimálaráðharri 17. februar 2003 til 3. februar 2004, innlendismálaráðharri 1. desember 2005 til 23. november 2007. Hann bleiv koyrdur frá eftir at hann hevði flutt Strandfaraskip Landsins til Suðuroyar. Hann var aftur fiskimálaráðharri frá 26. september 2008 til 6. apríl 2011.
á løgtingsvalinum 29. oktober 2011 fekk Jacob 1047 atkvøður, og flokkurin kom aftur í samgongu. Flokkurin fekk eisini fiskivinnumál at umsita. Jacob Vestergaard fekk tó ongan ráðharrasess, tá landsstýrissessirnir vóru býttir, í staðin gjørdist Jákup Mikkelsen fiskimálaráðharri.[1] Trupulleikar vóru við gegni hjá Jákup Mikkelsen, tí hann er svágur ein av størstu reiðarunum í Føroyum, Hanus Hansen. Tað var nógv kjak um ógegni hjá Jákup Mikkelsen í føroysku fjølmiðlunum, og tað endaði við, at løgmaður, Kaj Leo Johannesen segði landsstýrismannin úr starvi hin 15. februar 2012, og seinni sama dag gjørdist tað alment, at Jacob Vestergaard fór at taka við starvinum sum fiskimálaráðharri 16. februar 2012 og røkti hann sessin skeiðið út.[2]
Á løgtingsvalinum 1. september 2015 varð hann afturvaldur við 966 persónligum atkvøðum. Flokkur hansara sat í andstøðu hetta valskeiðið. Á løgtingsvalinum 31. august 2019 varð hann afturvaldur við 783 persónligum atkvøðum og gjørdist aftur fiskimálaráðharri. Hann segði sessin frá sær í desember 2021 fyri at atkvøða í málinum um sammøður og tók síðani sæti á tinginum aftur. Árni Skaale loysti hann av sum fiskimálaráðharra. Á løgtingsvalinum í 2022 varð hann afturvaldur við 362 persónligum atkvøðum.
Á løgtingsvalinum í 2026 varð hann afturvaldur við 553 persónligum atkvøðum, og eftir at nýggj samgonga varð skipað millum Fólkaflokkin, Sambandsflokkin og Javnaðarflokkin, varð hann útnevndur landsstýrismaður í vinnumálum.
Politisk lívsleið
[rætta | rætta wikitekst]- 1. januar 1993 - februar 2003 Borgarstjóri í Sumbiar kommunu
- 1. januar 2004 - 31. desember 2004 Borgarstjóri í Sumbiar kommunu
- 2001 - 2003 Formaður í Føroya Kommunufelag
- 17. februar 2003 - 2004 Landsstýrismaður í fiskimálum
- desember 2005 - 23. november 2007 Landsstýrismaður í innlendismálum
- 19. januar 2008 Fyrstvaldur á lista A til Løgtingsvalið við 870 persónligum atkvøðum, 4. flestar atkvøður av øllum
- 26. september 2008 - 6. apríl 2011 Landsstýrismaður í fiskimálum, síðstu tríggjar mánaðirnar eisini uttanríkisráðharri
- 2011 - Varaløgmaður
- 29. oktober 2011 næstvaldur fyri Fólkaflokkin á løgtingsvalinum við 1.047 persónligum atkvøðum, 5. flestar atkvøður av øllum
- 2011 - 15. februar 2012 Løgtingsmaður
- 16. februar 2012 - Landsstýrismaður í fiskimálum
Keldur
[rætta | rætta wikitekst]- ↑ "Aktuelt.fo, Jacob Vestergaard og Bjarni Djurholm vrakaðir". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2011-11-14. https://web.archive.org/web/20111114134214/http://aktuelt.fo/grein/jacob_vestergaard_og_bjarni_djurholm_vrakadir. Heintað 2011-11-13.
- ↑ "Aktuelt.fo, Jacob Vestergaard nýggjur fiskimálaráðharri". Talgilda eintakið, gjørt eftir tí talgilda frumeintakinum , varð goymt í skjalasavni á netinum tann 2012-02-17. https://web.archive.org/web/20120217233132/http://aktuelt.fo/grein/jacob_vestergaard_nyggjur_fiskimalardharri. Heintað 2012-02-16.
Slóðir úteftir
[rætta | rætta wikitekst]- Jacob Vestergaard á Norden.org
