Colonialisim in Afriche
Il colonialisim in Afriche (cognossût storicamentri ancje tant che la "Scramble for Africa" o la "corse pe Afriche") al è stât un procès di invasion, spartizion e concuiste teritoriâl dal continent african par man des potencis europeanis, svuelzût framieç il 1881 e il 1914 (la vigjilie de Prime vuere mondiâl).
Tal 1870, dome il 10% dal continent african al jere sot dal control de Europe (massime tes zonis dongie dal mâr); tal 1914, il contrôl de bande dai stâts europeans rive a plui dal 90%, tignint fûr dome doi stâts indipendents: l'Imperi di Etiopie e la Liberie.
La Conference di Berlin e i Stâts europeans
[cambie | modifiche il codiç]Framieç il 1884 e il 1885, il cancelîr todesc Otto von Bismarck al à organizât la Conference di Berlin. Chest incuintri e jere nassût par bati lis regulis de clâf par la spartizion dal continent, par no fâ nassi barufis jenfri i stâts de Europe.
La conference e à batiât il prinzipi de "ocupazion direte": un stât european al podeve proclamâ il control di un teritôri dome se tal teritori ocupât al jere un guvier o une aministrazion locâl ,mantignive une fuarce di polizie o un contingjent militâr par garantî l'ordin public o svilupave il cumierç e lis infrastruturis (costruzion di puints , feradis o lûcs comerciâi.Prime al bastave mapâ une cueste o cjatâ un acuart cun une autoritât locâl par rivendicâ une regjion intere. Chest fat puarte i stâts meti in pont une corse par rivâ tal cûr de Afriche.Jere ancje le obleazion di notifiche :une volte che un stât al veve ducj i recuisîts , al jere obleât a notificalu a lis atris potencis europeanis , in mût che vessin podût fâ obiezions o ricognossi i cunfins.
I protagoniscj de spartizion
[cambie | modifiche il codiç]Lis dôs potencis europeanis che a an concuistât la plui grande part dai teritoris de Afriche a son stâts il Ream Unît e la France:
- Imperi inglês: Al à mitût in pont un progjet di ocupazion in righe verticâl, dal "Cairo al Cap" (dal nord al sud), concuistant teritoris clâf tant che l'Egjit, il Sudan, l'Ugande, il Kenia e la zone dal Sud Afriche, plene di risorsis minerâls.
- France: La France a ocupât la plui grande aree tal ovest e tal zone dal desert dal Sahara, une aree che cjape i stâts dal Algjerie, de Tunisie, dal Maroc e de Afriche Ocidentâl Francese.
- Altris stâts: Il Gjermanie (Camerun, Namibia), il Portugal (Angola, Mozambico), la Spagne (Sahara Spagnûl) e la Italie (Libie, Eritrea, Somalie). Un câs particolâr al è stât il Stât Libar dal Congo, dirit de proprietât personâl dal re Leopoldo II dal Belgjo, cognossût par un regjim di violence e di sclavitût, che veve come finalitât la racuelte e il sfrutament dal cauciu'.
Lis causis dal colonialisim
[cambie | modifiche il codiç]I motôrs di cheste ocupazion coloniâl a son stâts trê:
- Economiche (Fabriche): Cul nassi de Secondis Rivoluzion industriâl, le Europe e à vût une bisugne inmense di materis primis (aur, djamants, ram, oret, cauciù, cafè) e di gnûfs marcjâts par produsi e vendi i siei prodots.
- Political (Nazionalisim): Concuistâ gnovis tieris e jere une maniere di rinfuarçâsi, une manifestazion di potence di onôr par i stâts europeans.
- Ideologjiche (Raziâl): I europeanis a dopravin la false teorie de superioritât de raze blancje (le concezion dal "The White Man's Burden , "le cjame dal om blanc" di Rudyard Kipling ,)sedi a dî che l'om blanc veve il dovê morâl di puartâ la civilisazion in Afriche, fasint crodi che la invasion e sedi une "mission di civiltât" par dâ la religjon e la tecnologjie a popui considerâts salvadis.
Le ereditât e la Decolonizion
[cambie | modifiche il codiç]La dominance coloniâl e à sdrumât la societât, la culture e la economie de Afriche, disfant la rêt des tradizions locâls. I confins batiâts par man des potencis a Berlin a jerin disegnats cun une linee drete, cence un fregù di respiet par las etniis e las lenghis de int: chest al è il vêr motôr des barufis civîls che a colpît la Afriche moderne.
La fin di chest regjim e scumence daspò dal 1945 cul percors de Decolonizion, cuant che i popui africanis a àn cjapât in man la lôr indipendence, rivade al massim nivel in tai decenis dal 1960 (cognossût tant che l'"An de Afriche").
Vôs correladis
[cambie | modifiche il codiç]Bibliografie
[cambie | modifiche il codiç]- Thomas Pakenham, The Scramble for Africa, Abacus, 1991.
- Henri Wesseling, Spartire l'Africa. La conferenza di Berlino e i processi di colonizzazione (1880-1914), Corbaccio, 2001.