Florence

Florence (par talian Firenze) e je une citât taliane, cjâf lûc de Toscane.


Florence



Coordenadis	43°46′17″N 11°15′15″E

Lenghis uficiâls	Talian

Stât	Italie
Regjon	Toscane
Provincie	Florence

Sindic	Sara Funaro

Superficie	102,32 km²

Altitudin	50 m s.n.m

Popolazion
• Totâl	361 574 (28/02/2026) ab.
• Densitât	3.533,76 ab./km²

Comuns confinants	Bagno a Ripoli, Campi Bisenzio, Fiesole, Impruneta, Scandicci, Sesto Fiorentino

Zone sismiche	zone 3

Codiç postâl	50100 e 50121–50145

Prefìs telefonic	055

Sît istituzionâl

Le citât conte 361 574 abitants e la è il prin comun de regjon Toscane par numar di abitants e al è il centri de aree Florence-Prât -Pistoia. Tal timp de Etât di Mieç al jere un centri impuartant par l’art, la culture, il cumierç, la politiche, la economie e la finance; in te etât moderne, Florence je stade la capitâl dal Granducât di Toscane jenfri il 1569 e il 1859, un stât che, sot dal domini des fameis Medici e Lorene, je deventade un des citâts plui siôrs e modernis da Italie. La sô storie politiche, il so podê finanziari e comerciâl e la sô influence in ducj i ambits culturâi le àn fate deventâ la citât un incrôs impuartant ta storie taliane e europeane. Tal 1865, Florence e fo proclamade la capitâl dal Ream d’Italie (daspò di Turin) e e mantignì chest titul fin tal 1871, l’an che al segne la fin dal Risuriment e il trasferiment da capitâl a Rome.

Un centri universitari impuartant e Patrimoni mondiâl da l’UNESCO (in mût specific il so centri storic, nomenât tal 1982), Florence e je considerade la lûc di nassite dal Rinassiment, segnant l’albe di une gnove etât moderne dopo l’Etât di Mieç , un periodi di cambiaments profonts e dal lengaç culturâl e sientific come la “rinassite dal talian”. La lenghe florentine doprade te leteradure. Tal 1986 e fo nomenade "Capitâl europeane da culture".

Al è ricognossût in maniere universâl come une das plui grandis capitâls dal mont da art e da architeture e ancje une destinazion turistiche internazionâl une vore popolâr, in gracie dai siei tancj monuments e museus. I ereditâts artistics, leteraris e sientifics lassâts dai siei citadins ilustris - vêrs gjenis dal passât - a son di valôr inestimabil. Chestis a includin figuris come Dante, Petrarca e Boccaccio in te leterature; Giotto, Brunelleschi, Donatello, Botticelli , Leonardo da Vinci e Michêlagnul Buonarroti tes arts visuâls; Lorenzo de Medici Nicolau Machiavelli in te sience politiche; e Amerigo Vespucci e Galileo Galilei intai cjamps de gjeografie, de astronomie e de fisiche.

Gjeografie fisiche

Teritori

Evoluzion storiche dal implant de citât di Florence dal I al XVIII secul

Florence si cjate intune posizion panoramiche tal centri di une concje largje che e semee a un anfiteatri a estremitât sud-orientâl da planure Florence-Prât-Pistoia. A si cjate cuintri lis culinis dai Apenins toscan-emilians e al è circondât da culinis di arzile di Cercina, che a si jevin sù juste parsore dal distret di Rifredi e dal ospedâl di Careggi a nord, cussì come das culinis di Fiesole (nord-est), di Setignàn (est) e di Arcetrio, Bellio-Guardie e Popo. La planure dulà che e je la citât e je traviersade dal flum Arno, che la citât stesse e divît tas sezions dal Valdarno Alt e dal Bâs, e di cors d’aghe plui piçui come il Mugnone, il Terzolle e il Greve.

La zone metropolitane di Firenze-Prato-Pistoie, fondade pal Consei regjonâl da Toscane ai 29 di Març 2000, e cjape dentri dutis chestis trê provincis e e à cirche 1.520.000 abitants. Lis planuris da zone metropolitane a son un paisaç alterât par l’om che al à grandis zonis industriâls e comerciâls, lassant pôc spazi ai spazis naturâi. Lis zonis culinis a son stadis dedicadis a agriculture e a l’ûs residenziâl, fat che al à puartât a une riduzion significative dai boscs origjinai, soredut tas zonis a sud e a est da citât. A si cjatin ancje zonis umidis no disvilupadis ta planure, a ovest da citât dilunc il flum Arno.

Clime

Florence e à un clime temperât sub-mediterani, caraterizât di istâts cjaldis e sutis e di inviers frêts e umids. Le so posizion gjeografiche te concje circondade di culinis e limite le circolazion dal aiar, favorint le stagnazion de umiditât e determinant une fuarte escursion termiche sedi dî par dî , sedi stazionâl.

Te istât, lis temperaturis massimis a superin facilmentri i 35 °C, cuntun scjafojaç par vie dal cjalt e de mancjance di aiar. In invier, mentri che lis temperaduris a restin parsore dal zero, no mancjn zeladis di gnot e fumatis te valade. Lis ploîs a son plui abondantis te sierade e te viarte, cun piçs jenfri i mês di otubar e novembar.

Storie

Lis origjins e le Etât Romane

La origjin di Florence risale al I secul p.d.C., cuant che i Romans fondin un cjamp militâr clamât "Florentia" dongje dal flum Arno, tal teritori che prin al jere abitât des popolazions etruschis dongje Fiesole. Le citât crès daurman come impuratant centri di cumierç par vie de so posizion strategjiche tai percors de Italie centrâl e par le presince de vie Cassie.

Le Etât di Mieç e le epoche comunâl

Il Tôr , le Catedrâl e il Batisteri di Florence

Daspò le colade dal Imperi Roman e lis invasions barbarichis, Florence cjape une fuarte autonomie e tal secul XII deventè un Cumun libar. Chest periodi al fo segnât di scuintris internis violentis jenfri lis fazions dai Guelfs e dai Ghibelins, e plui tart jendei Guelfs Blancs e Guelfs Neris. Magari cussì no, le citât deventè un lûc economic di prin plan te Europe, ancje grazie a le fuarce de sô monede, il Fiorin, e al disvilup des corporazions des arts dai mestîrs.

Il Rinassiment e la dinastie dai Medici

Il curtîl dal "Palaç dal Bargello" (il lûc dal Guvier de citât)

Tal Cuatricent le citât devente un pont di riferiment de culture e de art de Europe sòt dal domini de famee Medici, prime cun Cosimo il Vieli e daspo' cun Laurinç dai Medici. Florence fo le scune dal Rinassiment, acetant e fasint cressi mestris di fame mondiâl come Filippo Brunelleschi, Donatello, Sandri Botticelli, Leonardo da Vinci e Michêlagnul Buonarroti. Daspò un curt periodi republican animât des predichis dal frari Jaroni Savonarole, i Medici tornin al podê, fasint di Florence le capitâl dal Granducât di Toscane.

Dal Granducât di Toscane al dì di vuê

Cjale ancje le vôs Granducât di Toscane

Finide le dinastie dai Medici tal 1737 cun le muart di Zuan Gaston dai Medici tal, il Granducât al passà sòt le dinastie dai Asburc-Lorene, che trasformin le citât cun reformis modernis. In tal 1860 Florence e fo unide al Ream di Italie e, jenfri il 1865 e il 1871, e fo ancje le capitâl provvisorie dal Paîs prime dal spostament a Rome. Te Seconde vuere mondiâl le citât e patîs bombardaments e le demolizion di ducj i sô puints storics, cun le uniche ecezion dal Puint Vieli. In tal 1966 le citât e fo colpide dal teribîl aluvion dal Arno, che provoche grandis pirditis umanis e dams inestimabîls al patrimoni artistic.

Economie

Il Puint vieli viodût de Galarie dai Ufizîs

L’economie di Florence je dominade soredut dal setôr dai servizîs, dal turism culturâl di nivel internazionâl, de "high fashion" e dal cumierç, cun une tradizion artigjanâl di alt nivel e une presince impuartante te industrie de mecaniche e de farmacie.

Turism e cumierç

Il turism al costituîs le risorse economiche principâl de citât. Ogni an mîliars di visitadôrs di dut il mont rivin par amirâ il sô patrimoni artistic e architetonic, fasint di Florence une des destinazions plui visitadis in Europe. Chest al tèn vif un vertiginôs struturât di ospitalitât (albercs, restorants, servizîs) e un cumierç leât a le mode, al artigjanât artistic e a lis specialitâts gastronomichis toscanis.

Artigjanât e mode

Florence je une des capitâls mondiâls de mode e dal design. Le citât je famose par le lavorazion tradizionâle de piel, de oreficerie (famôs i laboratoris dai ponts storics come il Puint Vieli), de ceramiche e de cjarte decorade. Cjasis di mode di reputazion mondiâl àn le lôr sede o lis sôs origjins a Florence, e le citât acete events di prin plan come il "Pitti Immagine".

Industrie e ricercje

Fûr dal centri storic, te aree metropolitane (specialmentri te planure che va viers Prato e Pistoia), je presinte une industrie vive. I setôrs plui disvilupâts son chei de mecaniche di precision, de farmacie, de chimiche e dal tessîl. Impuartant al è ancje il rûl de Universitât di Florence e des diviersis istituzions sientifichis e culturâls che a atirin ricercjadôrs e investigazions.

Monuments e puests di interès

Florence conserve un patrimoni artistic e architetonic straordenari, declarât Patrimoni Mondiâl de Umanitât dal UNESCO tal 1982.

Architeture religjose

Le Catedrâl di Sante Marie dal Fiore (Il Domo): Simbul de citât, je famose par le sô façade in marmul policromi e par le imponent cupole disegnade di Filippo Brunelleschi.
Il Cjampanîl di Giotto e il Batisteri di Sant Zuan: Il batisteri al è cognossût par lis sôs puartis in bronç, tra lis cuâls le famose Puarte dal Paradîs di Laurinç Ghiberti.
Le Basiliche di Sante Crôs: Puest di sepolture di personis ilustris de storie taliane come Michêlagnul Buonarroti, Galileo Galilei, Nicolau Machiavelli e Ugo Foscolo.
La Basiliche di Sante Marie Novelle: Opare mesre di architeture romaniche e gotiche cun une façade completade di Leon Batiste Alberti.

Architeture civîl e museus

Palaç Vieri e Place de Signorie: Lûc storic dal guvier de citât e cûr de vite politiche fiorentine, circondât di sculturis di grant valôr come le copie dal David di Michêlagnul.
Le Galarie dai Uffizis: Un dai museus d'art plui famôs al mont, che al contèn capolavors di artistis come Sandri Botticelli, Leonardo da Vinci, Michêlagnul Buonarroti e Tizian Vecellio.
Palaç Pitti e i Zardins di Boboli: Monumentâl residence granducâl che conten diviers museus e un dai esemplis plui impurtants di zardin tal stîl talian.
Il Puint Vieli: Il pont plui antîc de citât, caraterizât des boteghis storichis di orefiçs e dal Vasariari che al passe parsore.

Societât e culture

La vite culturâle di Florence e unìs une tradizion secolâr, leade al so patrimoni artistic, cun events e usanzis unichis che a caraterizin la identitât de citât.

Tradizions e events

Il Calcio Storico Fiorentino: Une de tradizions plui antigonis de citât, che e si ten ogni an in Zugn inte Place di Sante Crôs. Al è un zûc violent e spetacolâr che al unìs elementi dal "football", de lote e dal rugby, dulà che i cuatri riòns storics di Florence (Sante Crôs, Sant Spirt, Sante Marie Novelle e Sant Zuan) si sfidin in costums dal Rinassiment.
Lo Scoppio del Carro (Il Brindellone): Cerimonie tradizionâl de Domenie di Pasche in Place dal Domo, dulà che un cjâr monumentâl plen di fûcs artificiâls al vènpiât di une colombine finte che svuale dentri de catedrâl par augurâ un bon racolt e fortune a le citât.

Gastronomie e cusine

Le Florentine , un dai tajs di cjâr plui cognossûts

Le cusine fiorentine e je une cusine popolâr, semplice ma plene di savôrs fuarts, basade su ingredients de tiere, sul vueli d'ulîf e sul pan toscan cence sal:

La bistecca alla fiorentina: Un taî di cjâr di manç (raçe Chianina) cun il vuès a forme di T, cuèt te grilie su e servît poc cuèt (al sanc).
La ribollita: Une mignestre tradizionâl de cusine paesane, preparade cun pan vieli, caulut neri, fasôi, pomidôros e atrîs verduris, scjaldade plui voltis.
Il lampredotto: Plât tipic di strade ("street food") florentin, preparât cul cuart dal stomi de vacje cuèt a lunc tal brût aromatic e servît in un panin molât.
I cantucci e il Vin Santo: Biscots secs cun mandulis tipics de Toscane, servîts par tocjâju tal vin dolç tradizionâl.

Personis leadis a Florence

Il David di Michêlagnul , opare mestre cognossude in dut il mont

Dante Alighieri (1265–1321), poeta e filosof, considerât il pari de lenghe taliane e autôr de Divina Commedia.
Giovanni Boccaccio (1313–1375), scritôr e poete, autor dal Decameron e figure clâf dal Umanisim.
Filippo Brunelleschi (1377–1446), architet e scultôr, inventôr de prospetive lineâr e autor de monumentâl cupole dal Domo di Florence.
Donatello (1386–1466), scultôr, un inovadôrs de sculture dal prin Rinassiment.
Sandri Botticelli (1445–1510), pitôr de scuele florentine, autôr di oparis mestris mondiâls come le Nassite di Venere e le Viarte.
Leonardo da Vinci (1452–1519),autôr geniâl dal Rinassiment, pitôr, sienziat e inventôr, formât te boteghe dal Verrocchio a Florence.
Nicolau Macchiavelli (1469–1527), storic, filosof e politic, autôr dal celebri tratât Il Princip.
Michêlagnul Buonarroti (1475–1564), scultôr, pitôr, architet e poete, un dai plui grands artiscj de storie de umanitât.
Galileo Galilei (1564–1642), sienziât, fisic e astronom, pari dal metodi sientific moderni.