Ambato (na súa forma completa San Juan de Ambato) é unha cidade localizada nos Andes centrais de Ecuador.[1] A carón das marxes do Río Ambato, a cidade tamén se asenta entre varias montañas altas. É a capital da provincia de Tungurahua, cunha altitude media de 2.577 metros sobre o nivel do mar. A poboación rolda os 180.000 habitantes (INEC, 2010), converténdoa na décima cidade máis poboada do país. Ten varios alcumes, sendo coñecida popularmente como "Cuna de los Tres Juanes", "Tierrita Linda", "Fénix del Ecuador", "Ciudad Cosmopólita", "Tierra Ternura", "Jardín del Ecuador" e "Ciudad de las Flores, Frutas y el Pan". Os seus habitantes son chamados ambateños.
