Xaquín Marín: categoría de persoas que destacan na promoción da lingua por, segundo o xurado, "o compromiso continuado, o alcance social do seu traballo e por facer humor gráfico nun contexto histórico de especial dificultade en plena ditadura franquista e en medios de comunicación nos que a presenza do galego era residual"[8]
Agrupación Astronomía Ío: categoría de entidades, "por impulsar a lingua galega nun ámbito tan especializado como a astronomía e sen bagaxe no noso idioma".[8]
Twitter en galego: categoría de proxecto de dinamización lingüística. Promovido por Carlos García Vieito, por "o proceso de tradución para configurar esta plataforma social na nosa lingua fornece un referente nas redes sociais para o público xeral e para a mocidade en particular".[8]
María Canosa: categoría de persoas. 0 xurado valorou «o seu compromiso firme coa lingua e longa traxectoria, que se reflicte nos premios recibidos e no recoñecemento e impacto social en múltiples ámbitos».
Xosé Ramón Freixeiro Mato na categoría de persoas "por ser un dos máis recoñecidos especialistas da lingua galega a nivel nacional e internacional" e "unha figura incuestionábel na defensa, estudo e promoción social do idioma".
Carlos Callón: Na categoría de persoa que máis destaca na promoción da lingua galega. O xurado valorou especialmente o seu labor como «activista referencial en defensa dos dereitos lingüísticos», así como a dimensión do seu traballo no ámbito do libro galego e da divulgación arredor da lingua.[13]
A Coordinadora de Traballadores/as de Normalización da Lingua (CTNL): Na categoría de entidade que máis destaca na promoción do galego. O xurado recoñeceu a súa «traxectoria consolidada de trinta anos» e o seu papel como entidade referente «no desenvolvemento, coordinación e racionalización das políticas e accións de normalización lingüística en Galicia».[13]
O premio ao mellor proxecto de dinamización lingüística dirixido á infancia e á mocidade foi concedido ex aequo a A Gramola Gominola e Vitamina G. No caso da Gramola Gominola, o xurado destacou o «compromiso firme co uso e defensa públicos da lingua galega» e unha traxectoria de máis de dez anos dirixida ao público infantil e familiar a través da música, dos contidos audiovisuais e dos libro-discos acompañados de materiais didácticos. Sobre Vitamina G, promovido pola profesora Mariña Lema, salientouse a orixe da iniciativa, nun centro educativo dun barrio coruñés cun contexto altamente desgaleguizado e con alumnado procedente de diferentes realidades lingüísticas.[13]
