Lilijowc
| Lilijowc Lilienstein | |||
|---|---|---|---|
 | |||
| wysokosć | 415,2 m | ||
| kraj | Sakska, Němska | ||
| masiw | Połobske pěskowčiny | ||
| |||
Lilijowc (němsce Lilienstein) je 415 metrow wysoka hora w Połobskich pěskowčinach a jedyn z najmarkantnišich taflowcow Sakskeje Šwicy. Wón je jenički taflowc na prawym boku Łobja a słuži jako symbol narodneho parka Sakska Šwica.
Hora leži na honach Waltersdorfa, gmejnskeho dźěla Žandowa, něhdźe pjeć kilometrow zapadnje tutoho městačka a 15 kilometrow wuchodnje Pěrna pola Kralowca w sekli Łobja, kotrež horu na třoch bokach wobdawa.
Hižo wokoło lěta 1200 wobsteješe na horje čěski hród. Wot spočatka 15. lětstotka bě hora we wobsydstwje Mišnjanskich markhrabjow.
Wuhlad
[wobdźěłać | žórłowy tekst wobdźěłać]Dla swojeho izolowaneho połoženja je Lilijowc wurjadne wuhladnišćo do wšěch směrow. Na juhu su Rudne horiny widźeć, na wuchodźe Łužiske a na zapadźe Drježdźany. Do sewjerneho směra saha wuhlad hač do Stołpina.
Literatura
[wobdźěłać | žórłowy tekst wobdźěłać]- Gebiet Königstein, Sächsische Schweiz (= Werte der deutschen Heimat. Zwjazk 1). 1. nakład. Akademie Verlag, Berlin 1957.
