Rodolfo Valentino
| Rodolfo Valentino | ||
 | ||
| Profesiono: | cinem-aktoro | |
| Lando: |  Italia | |
| Naskodato: | 6 di mayo 1895 | |
| Nasko-loko: | Castellaneta, regiono di Puglia, Italia | |
| Mortodato: | 23 di agosto 1926 | |
| Morto-loko: | New York, Nova-York | |
Rodolfo Valentino (naskinta Rodolfo Alfonso Raffaello Piero Filiberto Guglielmi di Valentina d'Antoguolla ye la 6ma di mayo 1895, til la 23ma di agosto 1926) esis notora Italiana cinem-aktoro di Hollywood dum komenco di la 20ma yarcento.
Il arivis en Usa en 1913. Ilua kariero en cinemo komencis en Hollywood ye cirkume 1919, kande il pleis mikra roli. Il divenis famoza en 1921 pro la filmo The Four Horsemen of the Apocalypse, e plusa sucesoza filmi sequis.
Il mortis en 1926 en Nova-York pro plevrito, evante 31 yari. Ye lua funero en New York, cirkume 10000 personi asistis sur la stradi.
La Filiulo di la Sheiko
[redaktar | redaktar fonto]La filmo The Son of the Sheik ("La Filiulo di la Sheiko"), en qua il prenis precipua rolo, esis unesmafoye vidata ye 9 di julio 1926 en Los Angeles. La filmo esis sequantajo di ilua filmo The Sheik, di 1921; la intenco esis rivivigar ilua kariero pos plu recenta ne-sucesoza filmi. Pos la vidado en Los Angeles, Valentino turis Usa por promocar la filmo ante generala distributado ye 5 di septembro. Ye 15 di agosto en New York il grave maladeskis ed eniris hospitalo; il mortis ye 23 di agosto.