1522

Ár

1519 1520 1521 – 1522 – 1523 1524 1525

Áratugir

1511–1520 – 1521–1530 – 1531–1540

Aldir

15. öldin – 16. öldin – 17. öldin

Kristín Danaprinsessa. Myndin var máluð af Hans Holbein yngri 1538 fyrir Hinrik 8. þegar hann var að leita sér að nýrri eiginkonu og sendi Holbein í leiðangur til að mála myndir af evrópskum prinsessum. Kristín á að hafa sagt að ef hún væri með tvö höfuð skyldi hún glöð láta Hinrik kóng fá annað þeirra.

Árið 1522 (MDXXII í rómverskum tölum)

Á Íslandi

• 31. janúar - Sveinsstaðareið. Menn Jóns Arasonar og Teits Þorleifssonar í Glaumbæ börðust á Sveinsstöðum í Húnaþingi.
• Jón Arason kjörinn Hólabiskup (vígður 1524).
• Jón Arason ættleiddi fjögur þeirra barna sem hann átti með fylgikonu sinni, Helgu Sigurðardóttur.
• Ögmundur Pálsson, nývígður Skálholtsbiskup, kom til landsins og lenti þegar í erjum við Jón Arason.
• Teitur Þorleifsson varð lögmaður norðan og vestan.
• Helgi Jónsson varð ábóti í Viðeyjarklaustri.

Erlendis

• 26. janúar - Spænski landkönnuðurinn Gil González Dávila kannaði Mið-Ameríku og nefndi Kosta Ríka eftir gulli sem hann fann við strönd þar.
• 9. janúar - Hadríanus VI varð páfi.
• 30. maí - Ítalíustríðin - Umsátrið um Genúa: Heilaga rómverska ríkið náði yfirráðum yfir borginni sem Frakkar vörðu.
• 19. júní - Karl 5. keisari heimsótti Hinrik 8. og skrifuðu þeir undir Windsor-sáttmálann sem færði England inn í Ítalíustríðin.
• 23. júlí - 700 enskir hermenn voru drepnir við bæinn Morlaix í Frakklandi degi eftir að þeir höfðu rænt og ruplað þar.
• 28. júlí - Tyrkir settust um Ródos.
• 6. september - Eitt af skipum Magellans, Victoria, kom til hafnar í Sanlúcar de Barrameda á Spáni eftir að hafa náð að sigla kringum hnöttinn.
• 21. september - Nýja testamentið kom út á þýsku í þýðingu Marteins Lúters.
• 22. september - Yfir 2.500 létust í jarðskjálfta í spænsku borginni Almería.
• 22. október - Yfir 4.000 létust í jarðskjálfta á Asoreyjum.
• 20. desember - Eftirlifandi Jóhannesarriddarar á Ródos gáfust upp fyrir Súleiman mikla og yfirgáfu eyna. Þeir settust síðar að á Möltu.

Fædd

• 2. febrúar - Lodovico Ferrari, ítalskur stærðfræðingur (d. 1565).
• 11. september - Ulisse Aldrovandi, ítalskur náttúrufræðingur (d. 1605).
• 9. nóvember - Martin Chemnitz, lútherskur guðfræðingur (d. 1586).
• 28. desember – Margrét af Parma, ríkisstjóri Niðurlanda (d. 1568).
• Kristín af Danmörku, hertogaynja af Mílanó og Lorraine (d. 1590).

Dáin

• 14. nóvember - Anna af Frakklandi, hertogaynja af Bourbon og ríkisstjóri Frakklands 1483-1491 (f. 1461).
• Fiorenzo di Lorenzo, ítalskur málari (f. 1440)
• Martin Waldseemüller, þýskur kortagerðarmaður (f. 1470 eða 1471).