Adade
Ba da du’a Daniel Adade nɛ (04/04/ 1995) o anɛ Gaana bↄↄl nwɛ’ɛd onɛ nwɛ’ɛd tuon zi’esim (1)
On da pin’il si’em
[dɛmisim gbɛlima | dɛmisimi din yi zin'isiana]Ba da du’a Daniel Adade nɛ 04/04/ 1995, n bɛ Ankara tempuugin, linɛ bɛ Gaana. Daniel Adade da si’iŋi nwɛ’ɛd nɛ bↄↄl la’asʋg linɛ buon ye Saturn F.C, Yʋʋma 2007 nɛ 2008, o da nwɛ’ɛdnɛ nwɛ’ɛb linɛ paas pʋdʋgʋr ayi la ni.(1)(2)
Yʋʋma 2008 la ni, ka o da bas Saturn ka kɛŋi la’ali nwɛ’ɛd nɛ Accra Rangers n bɛ pʋdʋgʋr linɛ paas ayi la ni, n bɛ anina hali ti paae yʋʋma 2010 la ni. Yʋʋma 2010 la ni, ka o naanɛ anina n tik nu’ug n lↄŋi kɛŋ nwɛ’ɛd nɛ Istanbul F.C dim, o da bɛnɛ anina n ti paae 2014. Ka yii anina kɛŋ CSV Bochum. (3)(4)
ON DA Bɛ Dreams F.C.
[dɛmisim gbɛlima | dɛmisimi din yi zin'isiana]Yʋʋma 2016 la ni, ka o yii tↄↄm kɛn tik nu’ug ye o nwɛ’ɛ tis Dreams ka yʋʋm kanna da aa o yiiga saŋa linɛ ka o da nwɛ’ Ghana Premier League. (4)(5)(1)
ON DA Bɛ East Timor
[dɛmisim gbɛlima | dɛmisimi din yi zin'isiana]Yʋʋma 2016 la ni, ka Adade bas Africa ka yii kɛŋ na’asaa teŋ linɛ an Asia ya-nya’aŋ. (1)(6)
Yiiga bↄↄl la’asʋg linɛ ka Adade nwɛ’ɛdii tisid n bɛ Timorese da an Zebra Baucau linɛ da bɛ tempʋʋg kanɛ buon ye Baucau la ni. O mɛ da lɛn nwɛ’ tis Karketu Dili, li da kɛ ka o paam suor hali yʋʋma 2016 nɛ 2017 la ni (7). Yʋʋma 2018 ka o tuligi lɛb o teŋina ye o kena sʋŋ o bↄↄl nwɛ’ɛb la’asʋg linɛ buon ye Dreams banɛ da pʋn dɛŋim nↄk o la. (1)
O da lɛn lɛb Timor na ye o nwɛ’ Liga Futebol Amadora naae nɛ Assalam bↄↄl nwɛ’ɛb la’asʋg dim. O mi’ilim nwɛ’ɛb nɛ on da dit goos nam si’em da kɛ ka bↄↄl la’asʋg gʋn-gʋn banɛ da bɛ Timorese la nini da kpɛn’ o. (8)(1)
O mi’ilim nwɛ’ɛb nɛ on da dit goos nam si’em da sʋŋ ya ka Assalam dim da di yiiga yʋʋma 2018 LFA Segunda la ni ka li da sʋŋ ka ba tↄlisi paae Liga Futebol Amadora Primera Divisao.(9)(10)(1)
Yʋʋma 2019 la, onɛ da an onɛ di gↄↄs n gaad sↄ’ wʋsa n da bɛ 2019 LFA Primera la ni. Ba nwɛ’ɛnɛ nwɛ’ɛbnam ban piin anaasi 14 ka o di gↄↄ nam ban piin ayi 12 n tis Assalam bↄↄl la’asʋg dim.
Yʋʋma 2020 la ni, ka o la’al nɛ Lalenok United dimi ye ba nwɛ’ ka gʋr 2020 AFC CUP la. (11)(10)(1)(12) Daniel da di gↄↄl mita ayi pʋʋgʋn ba yiiga nwɛ’ɛb ni banɛ PSM Makassar A-diya’an n tↄlis nwɛ’ɛb la ni. Amaa la’am nɛ wala li naar wʋsa, ba da di Lalenok 2-7.
La’amnɛ on da nwɛ’ɛdi tisid Lalenok la, Daniel o da di ya’and 2020 copa FFTL nya’anb la, ba da nwɛ’ɛnɛ kɛn paae linɛ an panɛtis dinɛ da kɛ ka ba di ya’an nɛ gↄↄ nam 2-1 banɛ SLB Laulara dimi da nwɛ’ɛd la. (1) o da kɛna an on di gↄↄ nam hali gaad sↄ’ wʋsa bɛ Primeira Divisão la ni. On nɛ Lalenok ban da nwɛ’ league linɛ paas ayi la.
Yʋʋma 2025 la ni, ka o lɛb Timor-Leste, n kɛŋi la’al nɛ Karketu Dili, ani ka o da di ya’an bɛ Liga Futebol n bɛ Timor-Leste Primeira Disiisao la ni.
Persipal Palu
[dɛmisim gbɛlima | dɛmisimi din yi zin'isiana]Yʋʋma 2025 nwadis anii la ni, ka o tik nu’ug ye o nwɛ’ tis Indonesian bↄↄl nwɛ’ɛb lʋgʋr Persipal Palu.(13)