Lucius Baebius Dives
AR |
Sta pagina chi a l'è scrita in arbenganese sitadìn |
U Lucius Baebius Dives (Luciu Bèbiu Dìvite, ..., III seculu a.C. - Marseja, 189 a.C.) u l'è stètu in puliticu e militâre rumàn, praetor du 189 primma de Cristu.
Vitta
[modìfica | modìfica wikitèsto]U Lucius Baebius u faxeva parte da gens Baebia, ina famìa d'u(r)igine plebêa ch'a l'é(r)a intrâ inta nubiltè rumâna aa fìn du III seculu primmu de Cristu[1]. Inti fèti du 202 primma de Cristu, i scrìti antìghi i fan de mensiùn a 'n sèrtu Lucius Baebius, òmmu ch'u l'axeva di ligammi cun l'armâ du Publius Cornelius Scipio, ciü avanti dìtu l'Africàn, che alantu(r)a a se truvava inta Libia. Intu detaju, u Baebius u l'è stètu mandàu cumme ambasciatû dai Cartaginesi quande che sti lì i l'axevan viulàu ina tregua[2][3] e, dunca, u l'è puscibile ch'u se parle da mèxima persuna ch'a l'è vegnüa praetor du 189 primma de Cristu[4].
De dòppu ch'u l'è stètu numinàu cumme praetor du 189 primma de Cristu, u Lucius Baebius u l'ha risevüu au lottu l'aministrasiùn de l'Hispania Ulterior[5][6]. A ògni moddu u nu l'è mai rivàu inte sta pruvinsa: mèntre ch'u l'é(r)a inta Gallia Transalpina u l'è stètu atacàu cu'a sò armâ da de gènte Ligü(r)i e, patìu de gran perdite, u l'ha truvàu de refugiu inta sitè aleâ de Massilia (Marseja). A ògni moddu, u pretû u l'è stètu curpìu inte stu scuntru e cuscì, passàu trèi dì da quande ch'u l'é(r)a rivàu a Massilia, u gh'è mòrtu pe'e fe(r)ìe[7][8].
Nòtte
[modìfica | modìfica wikitèsto]- ↑ Klebs, 1896, Baebius, col. 2728
- ↑ Polýbios, XV, 1, 3
- ↑ Titus Livius, XXX. 25. 2.
- ↑ Klebs, 1896, Baebius 14, col. 2729
- ↑ Titus Livius, XXXVII. 50. 8, 50. 11
- ↑ Broughton, 1951, p. 361
- ↑ Titus Livius, XXXVII. 57. 1-2.
- ↑ Klebs, 1896, Baebius 25, col. 2730
Bibliugrafìa
[modìfica | modìfica wikitèsto]- (GRC) Polýbios, Ἱστορίαι, II seculu a.C.
- (LA) Titus Livius, Ab Urbe condita libri CXLII, 27 a.C.-14 d.C.
- (DE) Elimar Klebs, Paulys Realencyclopädie der classischen Altertumswissenschaft, Vul. II, Stuttgart, 1896.
- (EN) Robert Broughton, Magistrates of the Roman Republic, New York, 1951.
Ligammi de fö(r)a
[modìfica | modìfica wikitèsto]- (EN) BAEB1052 L. Baebius (14, 25) Dives, in sce romanrepublic.ac.uk. URL consultòu o 20 lùggio 2026.