Wikipedia:Kalayakan artikel
Dalam Wikipedia, kalayakan adolah kriteria panantuan apokoh sabuah subjek layak atau suai untuak dibuekan artikelnyo atau indak. Konsep iko babeda jo "tanamo", "pantiang", atau "populer". Sabuah subjek dianggap tapanuahi kriteria kalayakannyo kok tapanuahi kriteria nan di bawah ko.
Kriteria kalayakan maatua subyek artikel, tapi indak maatua isi dari artikel itu surang.
Artikel nan mamanuahi kriteria kalayakan
[suntiang sumber] | Suatu subjek disabuik layak apobilo alah mandapek pambahasan nan signifikan dek sumber tapicayo nan independen pado subjek. |
- Pambahasan nan signifikan, aratinyo sumber mambahas subjek sacaro lansuang, mandetail, jo nontrivial.1
- Ado sumber-sumber pambahasan nan jaleh,2 aratinyo musti bisa maagiah bukti kalayakan nan objektif, kok dapek labiah dari ciek sumber labiah rancak.
- Sumber nan barasa dari sumber nan tapicayo, aratinyo sumber ko dapek digunoan untuak pamastian kalayakan, sasuai padoman sumber tapicayo. Sumber ko dapek barupo karya nan alah dipublikasian dalam bantuak media.
- Indak mamihak, aratinyo indak buliah condong pado subjek atau mamuja-muji subjek nan ka dibahas, misalnyo mode promosi iklan, biografi tokoh nan bakalabiahan, dan lainnyo.
Artikel nan dibuek jo AI
[suntiang sumber]Artikel nan dibuek manggunoan Aka Imitasi (AI) tetap tunduak pado #Kriteria umum nan alah dijabarkan di ateh.
AI generatif
[suntiang sumber]Mambuek artikel sacaro salin-tempel dari hasil prompt AI generatif sarupo ChatGPT, DeepSeek, dan model bahasa besar lainnyo indak dibuliahan di Wikipedia. Hal itu karano panulisan samacam iko menyalahi Wikipedia:Pedoman gaya, takasan asa-asalan dan indak baniek mambangun Wikipedia sebagai sebuah ensiklopedia, dan bapotensi mambabani kontributor lain untuak marapian artikel-artikel hasil AI iko. Apolai dalam kasus-kasus katiko artikel-artikel samacam iko dibuek sacaro massal, artikel-artikel samacam iko dapek dihapus atau dialihkan ka halaman nan labiah relevan. Mambantu mangoreksi jo mangambangkan artikel-artikel samacam iko mungkin manjadi piliahan nan elok, namun hal itu eloknyo disasuaikan jo kamampuan masiang-masiang pangguno.
Adopun maminta bantuan AI generatif untuak manyusun paragraf dipabuliahan, asalkan paragraf nan dihasilkan dikoreksi ulang sacaro manual dan manyasuaikannyo jo pedoman gaya Wikipedia, maminimalisir kamungkinan kasalahan susunan kalimat.
Manggunoan sumber AI
[suntiang sumber]Per WP:SUMBERAI, mako ChatGPT dan sajinihnyo—nan tamasuak kecerdasan buatan generatif, bukanlah tamasuak sumber tapicayo, dan indak bisa diandalkan. Manggunoan AI untuak mancari sumber dibuliahan dan kamungkinan akan mamudahkan, namun harus dicek ulang karano kamungkinan salah dari kecerdasan buatan generatif sangaiklah tinggi dan ado kamungkinan AI maambiak sumber palsu dan malah maanganggapnyo sabagai sumber nan kredibel.
Manajamahkan manggunoan AI
[suntiang sumber]Samo sarupo manajamahkan artikel manggunoan masin panajamah (sarupo Google Translate dsb.), nan sajatinyo merupoan AI juo; mako manajamahkan artikel manggunoan bantuan kecerdasan buatan dibuliahan di Wikipedia bahasa Indonesia, dengan catatan bahwa hasia tajamahan itu dikoreksi ulang untuak maminimalisasi adonyo gayo bahaso nan kaku atau mambinguangkan. Caliak pulo Wikipedia:Padoman dalam manajamahan artikel.
Artikel nan indak mamanuahi kriteria kalayakan
[suntiang sumber]Kok suatu artikel alun manampakan unsur kalayakan, usahokan untuak mampelokinyo jo caro:
- Pelokan surang. Carilah rujuakan tapicayo dari internet atau media lain
- Gunokan templat
{{subst:tak layak}}untuak maelo paratian panyuntiang lain - Gabungkan artikel pado artikel lain nan cakupannyo labiah laweh
- Kok alun juo tasuo unsur kalayakan duo minggu sasudah templat
{{subst:tak layak}}diagiah, mangko artikel tasabuik ka diapuih capek.
Kok suatu artikel jaleh indak mamanuahi unsur kalayakan, dek:
- WP:KPC#A7: indak maindikasikan kapantiangan (tokoh, organisasi, situs), atau
- WP:KPC#A9: indak maindikasikan kapantiangan (film, acara televisi, dan rakaman musik),
lansuang agiah templat {{hapuih|A7}} atau {{hapuih|A9}}. Panguruih ka lansuang maapuih artikel nan mamanuahi kriteria pangapuihan capek.
Kalayakan indak basipaik samantaro
[suntiang sumber]
Suatu kaba barito nan mahebohan indak lansuang mambuek suatu topik manjadi layak sabagai artikel Wikipedia dalam jangko panjang, dan sabaliaknyo. Topik nan indak mamanuahi standar kalayakan pado "wakatu kini", buliah sajo mamanuahi standar kalayakan pado "maso nan ka datang". Walau baitu, artikel indak buliah ditulih jo dasa spekulasi baso topik tasabuik ka mamanuahi kalayakan pado maso nan ka datang.
Isi artikel
[suntiang sumber]Padoman ko indak sacaro spesifik maatua tantang isi artikel. Padoman ko maagiah patunjuak tantang apokoh suatu topik cukuik layak untuak dimasuakan ka Wikipedia sabagai artikel surang.
Isi dari suatu artikel musti marujuak pado kabijakan jo padoman Wikipedia lain nan maatua tantang sumber tapicayo, sudut pandang netral, bukan riset asali, jo pamastian.
Catatan
[suntiang sumber]- Catatan 1: Contoh: Firman Gani mampunyoi artikel media massa nan mambahas tantang profil dirinyo (misalnyo: Sandy Indra Pratama. "Firman Gani: Berkarir dari Brimob". TEMPO Interaktif.), mangko disabuik layak dek pambahasannyo mandalam alias nontrivial. Sabaliaknyo, grup musik Three Blind Mice disabuik indak layak, dek walaupun panah disabuikan dalam suatu artikel (Martin Walker. "Tough love child of Kennedy". The Guardian.), grup musik tu hanyo disabuikan dalam ciek kalimaik saja, mambueknyo indak layak dek tamasuak dibahas sambia lalu sajo alias trivial.
- Catatan 2: Antaro lain, tapi indak tabateh pado: jurnal ilmiah, buku jo buku-e, surek kaba, majalah, dokumenter televisi dan radio, laporan dek dinas pamarintah, situs barito, dll.