Exxon Mobil
| Exxon Mobil | |||
 | |||
 | |||
| Org.form | Corporation | ||
|---|---|---|---|
| Bransje | Petroleumsverksemd | ||
| Skipa | 5. august 1882 | ||
| Forgjengar(ar) | Mobil | ||
| Eigar | The Vanguard Group, State Street Corporation, BlackRock | ||
| Dotterselskap | Imperial Oil, ExxonMobil Australia, XTO Energy, ExxonMobil Chemical, ExxonMobil Research and Engineering, ExxonMobil (Canada), ExxonMobil (United Kingdom), ExxonMobil Central Europe Holding, ExxonMobil Fuels & Lubricants Company, Forbes Travel Guide | ||
| Eigenandel i | Imperial Oil, Esso, ExxonMobil Australia, Exxon Neftegas, Aera Energy, Forbes Travel Guide | ||
| Hovudkontor | Spring | ||
| Land | USA | ||
| Produkt | lithium grease | ||
| Adm.dir. | Darren Woods | ||
| Salsinntekter | 48 873 000 000 USA-dollar (2024)[1] | ||
| Omsetnad | 48 873 000 000 USA-dollar (2024)[1] | ||
| Resultat | 33 680 000 000 USA-dollar (2024)[1] | ||
| Marknadsverdi | 474 414 000 000 USA-dollar (22. august 2025)[2] | ||
| Nettstad | https://corporate.exxonmobil.com/ (engelsk) | ||
Exxon Mobil Corporation eller ExxonMobil (NYSE: XOM), er eit internasjonalt oljeselskap med hovudkvarter i Irving i Texas i USA. Selskapet er nå eit av dei fire største på verdsbasis. I november 1999 fusjonerte dei tidlegare amerikanske oljeselskapa Exxon og Mobil. ExxonMobil er eit morselskap til ei rad Exxon, Mobil og Esso dotterselskap i verda. Konsernleiar i ExxonMobil sidan 2016 er Darren W. Woods.[3]
ExxonMobil i Noreg er representert ved dotterselskapa
- Esso Norge AS,
- ExxonMobil Exploration and Production Norway AS og
- ExxonMobil Production Norway Inc
Oppgåvene er
- Raffinering - ved raffineriet på Slagentangen utanfor Tønsberg
- Marknadsføring og distribusjon, frå kontoret i (Oslo)
- Leiting og utvinning av naturgass og råolje på norsk kontinentalsokkel. Hovudkontor for norsk offshore- verksemd ligg på Forus i Sandnes kommune
- Forvalting av selskapet sine rettar på norsk sokkel, forvalta av hovudkontoret på Forus i Sandnes
ExxonMobil er mellom dei tre største føretaka på den norske marknaden for oljeprodukt.
Raffineriet på Slagentangen har meir enn ein tredel av raffinerikapasiteten i landet og kan årleg handsama meir enn 40 millonar fat tilsvarande om lag 6,6 millionar Sm³ eller om lag 5,6 millionar tonn råolje. Til samanlikning vert kapasiteten ved raffineriet på Mongstad rekna å vera om lag 10 millionar tonn råolje for året.
ExxonMobil i Noreg har rettar i produksjonslisensar som gjev eigardelar av petroleumsutvinninga på 24 ulike felt på norsk sokkel. Selskapet sine største volumandelar av attverande olje ligg i Balderfeltet, Granefeltet, Snorrefeltet og Statfjordfeltet. Selskapet har operatøransvar på Balderfeltet. Det tidlegare Mobil i Noreg var kjend for å ha oppdaga og bygd ut Statfjordfeltet. Operatøransvaret for Statfjordfeltet vart overført til Statoil i 1987.
Andel av totale reservar på norsk sokkel er pr 1. januar 2005 107,6 millionar Sm³ olje og 98,4 mrd Sm³ gass. Delen tilsvarar 8,9 % av oljereservene og 3,7 % av gassreservane på sokkelen. ExxonMobil sin del av oljeproduksjonen på sokkelen var i 2004 om lag 15,6 millionar Sm³.
Alle tal for petroleumsreservar er i fylgje Oljedirektoratet.
Sjå òg
[endre | endre wikiteksten]Kjelder
[endre | endre wikiteksten]- 1 2 3 «Form 10-K». 19. februar 2025.
- ↑ «Exxon Mobil Corporation (XOM) Stock Price, News, Quote & History - Yahoo Finance». Henta 24. august 2025.
- ↑ «Darren W. Woods», ExxonMobil (på engelsk), henta 2025-01-02
