PB Skhosana

P.B. Skhosana

Umsebenzi:

Umtloli

Ubelethwe ngo:

13 kuVelabahlinze 1954

Indawo yo kubelethwa:

Henrdina, eMpumalanga

Philemon Buti Skhosana (mhla ali-13 kuVelabahlinze ngomnyaka we-1954), mtloli oqakathekileko kwezemitlolo yesiNdebele owaziwa ngomdlalwakhe othi: "Larhwalala Nobani?". Wathoma ukufunda isikolo samabanga aphasi ngomnyaka we-1964 e-Meerlus, eduze nemayini i-Blesbok, nge-Middleburg. Waphetha iimfundo zakhe zebanga letjhumi eMayitjha High School; e-Waterval, esabelweni saKwaNdebele ngomnyaka we-1976.^[1]

Wabandulwa njengotitjhere e-Botshabelo Training Institution, eTlhagwini ye-Middelburg ngemva kokuphetha iimfundo zakhe ze-Primary teachers Certificate ngomnyaka we-1978. Wafundisa eBuhlebethu High School, eSiyabuswa, KwaNdebele kufikela ngomnyaka we-1984 ekukulapho akhutjhulwa khona njengesiphathiswa sezamasiko emNyangweni wezeFundo namaSiko kuRhulumende walokha waKwaNdebele. UNom. Skhosana waba nerhuluphelo lokuzibandakanya ekuthuthukisweni kwelimi lesiNdebele, ukusukela ngomnyaka we-1986. Ngemva kwalapho, waba lilunga leBhodi yeLimi lesiNdebele seSewula. Umsebenzakhe wokuthoma wakhutjhwa ngomnyaka we-1991, ekuyinolwana yesihloko esithi: "Isigiyani".

Ukufikela namhlanjesi uNom. Skhosana sele atlole iincwadi ezimihlobohlobo zesiNdebele, ezidlula kwezilitjhumi nesithandathu. Bekamfundisi omkhulu emNyangweni wamaLimi wenDabuko eYunivesithi yePitori, ukusukela ngomnyaka we-1997. Uphumelele ekuthuthukisweni kweensetjenziswa zelimi lesiNdebele kiwo woke amazinga weemfundo zeyunivesithi.

Iinqophiso

↑ "Preserving and Celebrating our literary heritage" (March 2011) - National Library of South Africa. Retrieved 22 February 2016

[ph1-1] "Preserving and Celebrating our literary heritage" (March 2011) - National Library of South Africa. Retrieved 22 February 2016

[1]