Leina la temana

Leina la Temana leina leo le hlalosago temana goba sererwa . Ge go kgonagala šomiša leina la sepedi. Ge o e fa temana tlhogo o thuša le ba badi gore ba lebelele temana yeo ka leihlo la semoya, ba leke go gopola bonnya bjoo ba bo tsebago ka yona hlogo ya ditaba tšeo. Go fa temana leina go ka thuša mongwadi go goga šedi ya ba badi goba batho ka moka, gomme ya ba gona ba ikgethela go bala sengwalwa seo goba aowa. Dingwalwa di hloka go ba le leina goba tlhogo gore di kgone go hwetšagala ge batho ba nyaka go di šomiša goba gona go di bala. Go ngwala temana goba molaetša o bohlokwa o ngwalela setšhaba, efela molaetša wa gona o sa goge šedi ya batho go ka se thuše mongwadi goba bangwadi ka selo, ke moo go fa temana leina go bago bohlokwa. Tlhogo goba leina la temana ga se la go kgabiša fela ke ya go bontšha le bafeti ka tsela bohlokwa le tšhoganyetšo ya molaetša owe.

Ge re bona tlhogo ya taba go sengwalo re kgona go se amanya le tše dingwe tša ditiragalo tšeo di ilego tša tšea karolo mo maphelong a rena. Re kgona go lebelela pele ka leihlo la semoya gore re ka kopana goba go thulana le ditaba tša mohuta mang ka gare ga temana yeo. Ba badi ba tšea sephetho sa gore temana e ka ba bohlokwa bjang go bona go tšwa go thaetlele gore ba kgone go kgetha go tšea nako go tšwa mo letšatšing la bona gore ba bale molaetša wo o lego ka gare ga temana yeo, goba gore ba e tlogele, ba tšwele pele ka dilo tše dingwe tše bohlokwa.