Jump to content

Spainie

Eedit airtins
Frae Wikipedia, the free beuk o knawledge
(Reguidit frae Spain)
Kinrik o Spain

Reino de España[a][b]
Motto: "Plus Ultra" (Laitin)
(Scots: Farrer Ayont)
Anthem: "Marcha Real"[2]
(Scots: Ryal Mairch)
Location o  Spainie  (dark green)– on the European continent  (green & dark grey)– in the European Union  (green)  —  [Legend]
Location o  Spainie  (dark green)

– on the European continent  (green & dark grey)
– in the European Union  (green)  —  [Legend]

Location o Spain
CaipitalMadrid
40°26′N 3°42′W / 40.433°N 3.700°W / 40.433; -3.700
Lairgest ceetyCapital
Offeecial leid
an national leid		Spainish[c]
Owned regional
leids[c]
Ethnic groups
(2015)
Demonym(s)
GovrenmentUnitary parlamentary constitutional monarchy
• Monarch
Felipe VI
Mariano Rajoy
LegislaturCortes Generales
Senate
Congress o Deputies
Formation
Aurie
• Total
505,990[4] km2 (195,360 sq mi) (52nt)
• Water (%)
1.04
Population
• 2015 estimate
46,439,864[5][d] (30t)
• 2011 census
46,815,916[7]
• Density
92/km2 (238.3/sq mi) (106t)
GDP (PPP)2014 estimate
• Total
$1.619 trillion[8] (16t)
• Per capita
$34,899[8] (32nt)
GDP (nominal)2014 estimate
• Tot
$1.230 trillion[8] (14t)
• Per capita
$26,517[8] (28t)
Gini (2013)33.7[9]
medium
HDI (2013)Steady 0.869[10]
verra heich · 27t
CurrencyEuro[e] (€) (EUR)
Time zoneUTC+1 (CET[f])
• Summer (DST)
UTC+2 (CEST[f])
Date formatdd/mm/yyyy (CE)
Drivin sidericht
Cawin code+34
ISO 3166 codeES
Internet TLD.es[g]
Territorial organization

Spaingie or Spain (Spainish: España, [esˈpaɲa] ( listen)), offeecially cried the Kinrick o Spain (Reino de España),[a][b] is a kintra maistly locat on the Iberian Peninsula in Europe. The kintra's mainland is mairched tae the sooth an east bi the Mediterranean Sea binna for a smaw laund boondary wi Gibraltar; tae the north an northeast bi Fraunce, Andorra, an the Bay o Biscay; an tae the wast an northwast bi Portugal an the Atlantic Ocean. Spainish laund taks in twa muckle archipelagos, the Balearic Islands in the Mediterranean Sea an the Canary Islands aff the African Atlantic coast, twa ceeties (kent as Ceuta an Melilla) on the African mainland an a wheen smaw islands in the Alboran Sea nearhand the African coast. Spain is the anerly European kintra tae hae a mairch wi an African kintra (Morocco)[h]

Wi an area o 505,990 km2 (195,360 sq mi), Spain is the mucklest kintra in Soothren Europe, the saicont mucklest kintra in Wastren Europe an the European Union, an the fowert mucklest kintra on the European continent. Bi nummer o indwallers, Spain is the saxt mucklest in Europe an the fift in the European Union. Spain's capital an mucklest ceety is Madrid; amang the ither muckle touns are Barcelona, Valencia, Seville, Bilbao an Málaga.

Fowk o the day first wan till the Iberian Peninsula aboot 35,000 year syne. Iberian cultures alang wi auncient Phoenician, Greek an Carthaginian colonies raxed athort the peninsula ontil it cam unner the maistry o the Romans roon aboot 200 BCE; efter this the region wis cried Hispania, foondit on the aulder Phoenician name Span or Spania.[11] Efter the dounfaa o the Wastren Roman Empire, Germanic tribes frae Mid Europe conquessed the Iberian peninsula an foondit fairly independent realms in its wastren provinces - amang thaim war the Sueves, Alans an Vandals. The Visigoths wad come tae forcibly jyne the lave o aa the independent territories out-throu the peninsula, alang wi the Byzantine provinces, intae the Kinrick o Toledo, that less or mair soudered the poleetical, releegious an legal domains o aa the umwhile Roman provinces or successor kinricks that wis than documentit as Hispanie.

Durin the hint-end o the echt century, the Visigothic Kinrick wis whummle’t wi Muslim Berbers an Arabs that hailed frae North Africa. They ruled the feck o the peninsula for the nixt seiven centuries, leavin anerly a twa-three smaw Christian realms in the north. Efter the Moorish conquess, Europeans begoud a langsome process o winnin back the region, an this wis cried the Reconquista.[12] Gin the hint-end o the 15t century this haed resultit in the kythin o Spain as a unitit kintra unner the Catholic Monarchs. In the fore-end o modren times, Spain haed becam ane o history's foremaist global empires, leavin a vast cultural an linguistic heirskip that taks in ower 500 million Hispanophones, makkin Spainish the warld's saicont maist spoken mither-tung, efter Mandarin Chinese.

Spain is a secular parlamentary democracy an constitutional monarchy,[13] wi King Felipe VI as heid o state. It is a forehand developed kintra,[14] an haes the warld's fowerteent mucklest economy bi nominal GDP an saxteent mucklest bi spennin pouer parity. It is a member o the Unitit Natiouns (UN), the European Union (EU), the Eurozone, the Cooncil o Europe (CoE), the Organisation o Ibero-American States (OEI), the Union for the Mediterranean, the North Atlantic Treaty Organization (NATO), the Organisation for Economic Co-operation an Development (OECD), OSCE, the Schengen Area, the Warld Tredd Organisation (WTO) an mony ither organisations roon aboot the warld. Spain haes a "permanent invitation" tae the G20 summits, whilk occurs maistly aince in the year.[15]

Notes

[eedit | edit soorce]
  1. 1 2 The Spaingie Constitution daesna estaiblish ony offeecial name for Spain, even tho the terms España (Spain), Estado español (Spaingie State) an Nación española (Spainish Natioun) are uised out-throu the libel. Nanetheless, the Spainish Meenistry o Fremmit Affairs estaiblished in an ordinance pat out in 1984 that the terms España (Spain) an Reino de España (Kinrik o Spainie) are equally valid tae bear Spain in international treaties. This term, Kinrik o Spainie, is commonly uised bi the govrenment in national an international affairs o aa kin-kind, for ensample foreign treaties as well as national offeecial writs, an is therefore awned as the offeecial name bi mony international organisations.[1]
  2. 1 2 In Spain, ither leids hae been offeecially awned as legitimate independent (regional) leids unner the European Chairter for Regional or Minority Leids. In ilk-ane o thir, Spain's offeecial name (Spaingie: Reino de España, moo-banned: [ˈreino ð(e) esˈpaɲa]) is as follaes:
  3. 1 2 The offeecial Spainish leid o the State is estaiblished intil Section 3 o the Spainish Constitution o 1978 tae be Castilian Spainish.[3] In some independent commonties, Catalan, Galician an Basque are co-offeecial leids. Aragonese an Asturian hae some degree o offeecial recognition.
  4. ↑ Frae Januar 2015, Spain's nummer of indwallers wis upcuissen tae be 46,439,864. In the same month, the nummer of citizens wi Spainish citizenship raxed tae 44,175,055 (41,992,012 bein permanent wonners in Spain an 2,183,043 bein national abroads). The nummer of fremmit fowk (i.e. incomers, ex-pats an bield-seekers) permanently bidin in Spain wis upcuissen tae be 4,447,852 (10.1%) in 2015.[6]
  5. ↑ The Peseta afore 2002.
  6. 1 2 Binna the Canary Islands, whilk obsairves UTC+0 (WET) an UTC+1 (WEST) durin the simmer time.
  7. ↑ The .eu domain is alsae uised, sin it is shared wi ither European Union member states. An forbye, the .cat domain is uised in Catalan-speakin pairts.
  8. ↑ See leet o transcontinental kintras.

References

[eedit | edit soorce]
  1. ↑ Acuerdo entre el Reino de de España y Nueva Zelanda, Acuerdo entre el reino de España y el reino de Marruecos Archived 2011-07-20 at the Wayback Machine; licenses permissions Tratado de la Unión Europea Archived 2015-09-29 at the Wayback Machine
  2. ↑ Presidency of the Government (11 October 1997). "Real Decreto 1560/1997, de 10 de octubre, por el que se regula el Himno Nacional" (PDF). Boletín Oficial del Estado núm. 244 (in Spanish).CS1 maint: unrecognised leid (link)
  3. ↑ "The Spanish Constitution". Lamoncloa.gob.es. Archived frae the original on 25 Mairch 2013. Retrieved 26 Apryle 2013. Unknown parameter |deadurl= ignored (help)
  4. ↑ "Anuario estadístico de España 2008. 1ª parte: entorno físico y medio ambiente" (PDF). Instituto Nacional de Estadística (Spain). Retrieved 14 Apryle 2015.
  5. ↑ "Population Figures at 1 January 2015" (PDF). Instituto Nacional de Estadística (INE). Retrieved 25 Juin 2015.
  6. ↑ "Population Figures at 1 January 2015 (Spanish Nationals abroad) 1 January 2015" (PDF). Instituto Nacional de Estadística (INE). Retrieved 25 Juin 2015.
  7. ↑ "Censos de Población y Viviendas de 2011" (PDF) (in Spainish). Instituto Nacional de Estadística (INE).
  8. 1 2 3 4 "Spain". International Monetary Fund. Retrieved 26 August 2015.
  9. ↑ "Gini coefficient of equivalized disposable income (source: SILC)". Eurostat Data Explorer. Archived frae the original on 4 Mairch 2016. Retrieved 22 Julie 2014.
  10. ↑ "2014 Human Development Report" (PDF). 14 Mairch 2013. pp. 21–25. Retrieved 27 Julie 2014.
  11. ↑ "Iberia vs Hispania: Origen etimológico". Archived frae the original on 27 December 2016. Unknown parameter |deadurl= ignored (help)
  12. ↑ Esparza, José Javier (2007). La gesta española : historia de España en 48 estampas, para quienes han olvidado cuál era su nación (1a. ed.). Barcelona: Áltera. ISBN 9788496840140.
  13. ↑ "La Constitución española de 1978. Título preliminar" (in Spainish). Página oficial del Congreso de los Diputados. Archived frae the original on 27 October 2017. Retrieved 30 September 2017. Unknown parameter |deadurl= ignored (help)
  14. ↑ Whitehouse, Mark (6 November 2010). "Number of the Week: $10.2 Trillion in Global Borrowing". The Wall Street Journal. Archived frae the original on 20 September 2017. Unknown parameter |deadurl= ignored (help)
  15. ↑ "Opinion | Time for the G20 to Welcome Spain as a Full Member – Young European Leadership" (in Inglis). Archived frae the original on 20 Mey 2026. Retrieved 20 Mey 2026.
Taen frae "https://sco.wikipedia.org/w/index.php?title=Spainie&oldid=918638"