Agrikultura

Agrikultura mak atividade hanesan kuda to'os ka hakiak animal hodi kria ai-han ka uza ba medisina no agrikultura mak sai hun ba moris Nian.

Iha mundu agrikultura hahu tinan 10.000 liu ba iha area naran Crescente Fértil, ne'ebé ohin loron koñese nu'udar nasaun Irak, Syria, Turquia, no Egito.^[1] Dahuluk ema kuda trigu no cevada, maibe iha tempu ne'eba sira mos hetan ai-horis fu'ik. Iha tempu ne'eba karik ema hahu agrikultura tamba iha mudansa klimátika no mudansa rai. Ho agrikultura ema bele han barak liu kompara ho buka aihan fu'ik sira.

Parte populasaun ne'ebé halo to'os

Iha mundu populasaun hamutuk 2,5 billaun mak halo to'os. Parte 80 % husi populasaun Timór Lorosa'e halo to'os hodi fornese ai-han loron-loron.^[2] Iha nasaun riku sira, populasaun 10% de'it mak halo to'os.^[3]

Sistema agrikultura oi-oin

Iha nasaun riku sira, to'os sira luan tebes no ema kuda aihan liuliu hodi fa'an no distribui de'it, la'os hodi konsume. To'os nain sira iha nasaun riku mos uza mákina atu bele hafásil no kuda aihan barak liután. Sistema agrikultura ne'e avansadu maibe bele kria polusaun ba rai no ar, tanba uza produtu kímika barak.^[4]

Top protudu agrikultura

Iha mundu tomak produtu agrikultura ne'ebé produz barak liu mak: tohu, batar no foos.^[5]

Referencia

[1] National Geographic: Development of Agriculture

[2] Ministry of Agriculture, Forestry & Fisheries

[3] "Labor Force – By Occupation" The World Factbook Archived 2015-09-05 at the Wayback Machine

[4] Mother Jones:A Brief History of Our Deadly Addiction to Nitrogen Fertilizer

[5] Source: Food and Agricultural Organization

[1]

[2]

[3]

[4]

[5]