Albert Maquet

Li Wiccionaire si rsieve di sacwants fråzes da "Albert Maquet " po-z enimådjî des mots k' i gn a.

Albert Maquet a skepyî li 22 d' may 1922 a Lidje. Il î a morou li 1î d' fevrî 2009.

Il est relî dins li ptite et l' grande antolodjeye da Piron ey il a sovint stî publiyî dins l' rivuwe micRomania^[1].

Di s' mestî, il esteut prof d' itålyin a l' Univiersité d' Lidje.

Ouve e walon

Mwaissès piceures

Il a scrît bråmint des arimés, et-z eplaidî des coûtès ramexhnêyes. I scrijha, avou, del prôze-powezeye.

Il a ossu foirdjî sacwantès pîces di teyåte e walon, inte di zeles, des redjårbaedjes di des scrijheus itålyins did dinltins. Ey ossu des scrijheus k' eployèt des lingaedjes diléreces di l' Itåleye.

Il a eto studyî, e francès, sacwants scrijheus e walon, copurade des ptits fjheus d' arimés, rovyîs pa l' istwere. Il a scrît sol teyåte e walon, po dmander on pus hôt livea do tecse, et di l' esinnaedje.

Ses scrijhaedjes e francès ont stî rsintous come foirt grandiveus pa bråmint des waloneus.

Il esteut SLLW-î; il î moussa e 1956. Il evoya des cåkêyes di papîs po leus rvowes.

Il a wangnî li Pris del Veye di Lidje e 1987.

Sacwants eplaidaedjes d' arimés

Djeu d' apeles (1947)
D' å fond do tins ratournaedje di powezeyes da Tavo Burat (1993)
Poèmes de l'Antiquité grecque et romaine adaptés en wallon liégeois, on live eplaidî a MicRomania e 2001.
Poésie en langue wallonne du pays de Liège, on relijha di tecses riprins cronolodjicmint di sacwants ôtes livrets, eplaidî a MicRomania e 2004.
Cint haycous, ene ramexhnêye di haycous, eplaideye al pitite coleccion del SLLW e 2006.
Sins rime ni rame (2008)

Sacwants eplaidaedjes di teyåte

Come sicrijheu d' teyåte e walon, on lyi doet :

"Sadi Hozete", ene pîce a ene djin djouwêye al televuzion pa Joseph Duysinx.
"Califice, l' ome di nole pårt et d' ene sawice"
"Li paltot" (pîce po l' radio, d' après l' istwere do minme no da Gogol).
"Li harloucrale" (d' après La Mandragola, d' eviè 1512, da Niccolò Machiavelli
"Ratacans, mes efants" (pîce po l' radio)
"Li guere å cou" et "L' araedje e cour" (d' après des dvizes e patwès da Ruzante.

Pôzucion dins l' politike linwistike eneviè l' walon

Albert Maquet esteut puvite conte el rfondou, tot vlant d' eployî des noûmots. Mins nerén, lu-minme askepia li noûmot walon "harloucrale".

E 1994, i pretinda ki les scrijhaedjes e walon ni s' plént nén passer foû del Walonreye. C' est ene des råjhons pocwè el live « So l' anuti » a stî scrît. Dj' ô bén : po disdire ciste idêye la.

I n' djåzéve nén voltî walon e societé.

Hårdêyes difoûtrinnes

Sourdants

↑ lº 2/1992, pp. 32-33 ; lº 3/1992, pp. 3-11 ; lº 2/1993, pp. 3-22 ; lº 4/1993, pp. 28-30 ; lº 2/1995, pp. 3-8 ; lº 1/1996, pp. 3-56 ; lº 4/1996, p. 5 ; lº 2/1997, pp. 36-37 ; lº 1/1999, pp. 34-35 ; lº 2/2000, pp. 3-5 ; lº 1/2001, pp. 38-39 ; lº 3/2001, pp. 34-37 ; lº 4/2001, pp. 3-5 ; lº 1/2002, pp. 34-35 ; lº 1/2003, pp. 3-5 ; lº 4/2004, pp. 20-21 ; lº 4/2005, pp. 30-31 ; lº 3/2006, pp. 3-15 ; lº 1/2007, pp. 3-17 ; lº 2/2008, pp. 3-9 ; lº 3/2008, pp. 36-39 ; lº 1/2009, pp. 48-51 ; lº 2/2009, pp. 8, 10, 12-15.

[1] º 2/1992, pp. 32-33 ; lº 3/1992, pp. 3-11 ; lº 2/1993, pp. 3-22 ; lº 4/1993, pp. 28-30 ; lº 2/1995, pp. 3-8 ; lº 1/1996, pp. 3-56 ; lº 4/1996, p. 5 ; lº 2/1997, pp. 36-37 ; lº 1/1999, pp. 34-35 ; lº 2/2000, pp. 3-5 ; lº 1/2001, pp. 38-39 ; lº 3/2001, pp. 34-37 ; lº 4/2001, pp. 3-5 ; lº 1/2002, pp. 34-35 ; lº 1/2003, pp. 3-5 ; lº 4/2004, pp. 20-21 ; lº 4/2005, pp. 30-31 ; lº 3/2006, pp. 3-15 ; lº 1/2007, pp. 3-17 ; lº 2/2008, pp. 3-9 ; lº 3/2008, pp. 36-39 ; lº 1/2009, pp. 48-51 ; lº 2/2009, pp. 8, 10, 12-15.

[1]