Porcession do Sint-Sacramint

e l' Pologne

Li porcession do Sint-Sacramint (pus rålmint, el fiesse do Sint-Sacramint), c' est ene fiesse rilidjeuse catolike ki s' passe li dimegne après l' Trinité (adon l' deujhinme dimegne après l' Pintcosse), e l' Beldjike, todi. Après messe, gn aveut ene grande porcession dins l' viyaedje, la k' on aveut basti des ptits åtés (ripôzwers). Li porcession s' î arestéve, et l' curé î mostrer l' ostanswer. Les ptitès båsheles tapént des fleurs.

E l' Walonreye, elle n' î est pus foirt fiesteye pol djoû d' ouy. Mins elle l' esteut co a Lidje e e 2017.

Istwere

Elle a stî metowe so pî pa sinte Djulene eyet l' binureuse Eve di Lidje. E 1246, ele kiminça a esse celebrêye e l' Principåté d' Lidje. Ele a divnou fiesse catolike oficire li 8 di setimbe 1264 pa on decidaedje do påpe Orban IV.

Disrôlmint del porcession

a Hôt-Fayi dins les anêyes 1950

Les djoûs di dvant, on plantéve des mays so les voyes del porcession. Et monter les ptits åtés (rpôzwers).

Li djoû di dvant, les ptitès båsheles alént code des fleurs, et les rashonner amon les macherseurs (end aveut dins beacôp des viyaedjes).

E-z alant a messe, les meres amoennèt les ptis gaméns et les ptitès gamenes dé l’ viye macherseur : ås gaméns, on passe ene grande rodje cote avou ene blanke tchimijhe padzeu. On les lome « des ptits curés ». On lzî dene ene clotchete et i sont fén presses.
Les ptitès gamenes, mousseyes di blanc des pîs al tiesse, vinèt avou ene pitite coirbeye cweri ene pougneye des fleurs k’ elle ont stî code li djoû di dvant. Les deus pus grandès gamenes, les cenes ki pasront les prumires al porcession, ont droet a des blankès aiyes k’ on lzî cole dins l’ dos come a des andjes.

Après messe, li porcession s' meteut e-n alaedje. Gn a todi èn ôre kinoxhou d' avance po les djins del porcession. Li curé est metou dins on dai (sôre di toetea d' toele, avou cwate sitapetes tinowes pa cwate-z omes rilomés e l' pårotche).

• 
  èn erpôzwer, li djoû di dvant
• 
  prumirès djins del porcession
• 
  pititès båsheles, blanc mousseyes, avou les coirbeyes di fleurs, djusse divant l' dai
• 
  årmonreye, dirî l' dai
• 
  li curé foû do dai a on rpôzwer, mostrant li «veneråve»

Alére

Jean-Marie Adam, Li porcession do Sint-Sacramint, Li Rantoele l° 118, esté 2026.