貼扉靈
貼扉靈（希伯来语：תְּפִלִּין/תְּפִילִּין，罗马化：tefillin），意譯又叫經文護符匣頭，是兩隻皮革小匣頭，一隻綁在臂膀高頭，向着心臟，一隻戴在額角頭丄，猶太教平常辰光早丄向禱告會得戴。伊裏向有得小妥拉卷，摩西五經告訴以色列民戴貼扉靈來紀念上帝帶伊拉出埃及。
申命記裏向貼扉靈个部分淘淘漿糊寫，故咾具體个律法是拉比在塔木德裏向解釋个。
第件事體、拉㑚手上做記號、額角上做記色、使YHWH个律法、常留拉㑚个嘴裏、因爲YHWH用大能幹个手、領㑚出埃及。
— 出埃及记 13:9，1908上海閑話本
所以儂應該拏第件事體、放拉手上做記號、戴拉額角上做記色、因爲YHWH用大能幹个手、領伲出埃及、離開做奴僕个戶蕩。
— 出埃及记 13:16，1908上海閑話本
在施邁（Shema）个篇章裏有得：
應該縛拉臂膊上做記號、戴拉額角上做裝飾、
— 申命记 6:8，1908上海閑話本
所以應該拏我个說話、藏囥拉㑚个心裏咾性當中、又要縛拉手上做記號、戴拉額角上做裝飾。
— 申命记 11:18，1908上海閑話本
如然做法
[编辑]正統派猶太教裏向，所有做過bar mitzvah个男人儕要戴貼扉靈。女人嘸沒佩戴个義務，有眼拉比容許女人私底下戴戴。保守派猶太教裏向弗分性別儕一淘戴貼扉靈。改革派猶太教搭重構派猶太教刪脫交關傳統禮儀，故咾一般性弗戴貼扉靈。卡拉派猶太教弗接受拉比个口傳律法搭塔木德，伊拉覺着「縛拉臂膊」「戴拉額角」單單是象徵性，弗是真个要擔經文戴在身丄。