Kárášjoga Gollejietna-juoigangilvvu vuittii Áilen-Nigá-Niillas-Ándde Nils Lásse, Nils Lars Eira. Gilvvu vuoiti faskkii goalmmádasa buot jienain, 6500 ruvnno bálkkášumi ja GolleJietna bázzi.
Nubbin gilvvus šattai Mihkkala-Jovnna-Johán-Mihkkala John André, John André Eira ja goalmmádin Ráikku-Ándde Issát Ánte, Isak Anders Utsi.
Dan jagi GolleJietna-gilvvus ledje mielde 16 juoigi Guovdageainnus, Kárášjogas, Mázes ja Gáresávvonis Ruoŧa bealde, mii lea eambbo go goassige ovdal. Gilvvu vuoiti jienastedje guldaleaddjit, eaige das mearridan duopmárat.
GolleJietna gilvu lei guovtti oasis. Vuosttaš oasis buot oasseváldit juige ovtta luođi maid gaskkas guldaleaddjit besset jienastit vihtta buoremusa. Nubbi oasis dat viđas juige nubbi luođi, main olbmot jienastedje buoremusa vuoitin. Dán jagáš vuoiti oažžui 31 proseantta buot jienain,