Elizabeth II
| u-Elizabeth II | |
|---|---|
_(cropped)_(3-to-4_aspect_ratio).jpg) isiThombe esisemthethweni saYena oPhakemeyo, iNdlovukazi yoMbuso oHlangeneyo, u-Elizabeth wesiBili | |
| Wazalwa |
u-Elizabeth Alexandra Mary 21 kaMbasa ngo-1921 eMayfair, eLondoni, eNgilandi |
| Washona |
8 kaMandulo ngo-2022 iNqaba yaseBalmoral, esiKotilandi |
| Imbangela yokushona | Ubudala |
| Ingcwaba | iSonto kaNgcwele uGeorge, iNqaba yakwaWindsor |
| Indawo yokuhlala | isiGodlo sakwaBuckingham, eLondoni, eNgilandi |
| Ubuzwe | umBhulitani |
| Uhlangaqembu | umNgisi |
| Isakhamuzi | uMbuso oHlangeneyo |
| Isiqu |
iNdlovukazi yoMbuso oHlangeneyo |
| Umanduleli wakhe | iNgonyama u-George wesiKhombisa |
| Umelami esikhundleni | iNgonyama uCharles wesiThathu |
| Inkolo | ubuKristu |
| Ihlelo | iSonto laseNgilandi |
| Ashade naye | iNkosana uPhillip, iNduna yase-Edinburgh |
| Izingane |
iNgonyama uCharles wesiThathu iNkosazana yasebuKhosini u-Anne u-Andrew Windsor iNkosana u-Edward, iNduna yase-Edinburgh |
| Abazali |
iNgonyama u-George wesiThupha uNdlunkulu, uElizabeth |
| Umndeni | kwaWindsor (owawubizwa kwaSaxe-Coburg naseGotha) |
u-Elizabeth wesiBili wayeyiNdlovukazi yoMbuso oHlangeneyo. Uzalwe ebizwa u-Elizabeth Alexandra Mary ngo mhla 21 kaMbasa ngowe-1956 kunina owayeyiNkosazana uElizabeth, iNdunakazi yaseYork nakuyise owayeyiNkosana uAlbert, iNduna yaseYork. Ubekwe esihlalweni sasebukhosini kuNhlangulana ngo-1953 (ukugcotshwa kweNkosi yoMbuso oHlangeneyo kwokuqala ukubonakaliswa kumabonakude ngobala). Empilweni yakhe kanye nasesikhathini sakhe esihlalweni sasebukhosini kwakunezenzakalo eziningi njengokuthi uMbuso oHlangeneyo undlule Empini Yesibili Yomhlaba (ekuholele emndenini wasebukhosini uguqulwa igama kuWindsor), ukulahlekelwa kwamakoloni zase-Afrika namanye amazwekazi ngenxa yezimpi, imizabalazo kanye nemivumelwano, umendo nokuhlukana kukaNkosazana yaseWelisi uDianna, kanye nendlalifa yakhe iNkosana yaseWelisi uCharles, ukushiswa kwesiGodlo sakwaWindsor kanye nokusolwa kweNkosana u-Andrew ngokubandakanywa ekuthunjweni nasekudlwengulweni kwezingane ngenxa yobungani noJeffrey Epstein.
u-Elizabeth ugane iNkosana uPhillip wakwaSaxe-Coburg naseGotha, iNduna yase-Edinburgh owayeyiNkosana yaseGreki naseDenimaki. u-Elizabeth uzale uCharles (omlandele eyiNgonyama yomBuso oHlangeneyo), uNkosazana yasebuKhosini u-Anne, iNkosana iNduna yase-Edinburgh u-Edward kanye neNkosana u-Andrew (osexoshiwe emndenini wasebukhosini). Esikhatini sakhe esikhundleni seminyaka engama-70, u-Elizabeth uqoke iziNdunankulu zoMbuso oHlangeneyo eziyi-15 zoMbuso oHlangeneyo kanye neziNdunankulu eziyi-179 zamazwe angama-32 lapho wayeyiNdlovukazi khona. Enkathini yebandlululo u-Elizabeth wayeyiNdlovukazi yeNingizimu Afrika ngaphambi kokuthi i-National Party ichibiyele umthethosisekelo ngo-1960 ukuphendula iNingizimu Afrika kwumbusobala (noma, ngokwegamafakelwa, iriphabhuliki nakuba yayingumbuso wemphoqo; ingasiyona intandoyeningi). u-Elizabeth ushone kuMandulo ngo-2022 eneminyaka engama-96.