Saltar al conteníu

Gloria Steinem

De Wikipedia
Gloria Steinem
Vida
Nacimientu Toledo[1], 25 de marzu de 1934[2]
Nacionalidá Bandera de Estaos Xuníos d'América Estaos Xuníos
Llingua materna inglés
Muerte Nueva York[3], 2 de setiembre de 2026[4] (92 años)
Familia
Casada con David Bale (2000 – m. 2003)
Hermanos/es Susanne Steinem Patch
Familia
Estudios
Estudios Smith College (en) Traducir Grau n'Artes
Waite High School (en) Traducir
Llingües falaes inglés[5]
Oficiu
Oficiu periodista, reportera, activista, ensayista, editora, conferenciante, actriz, feminista, activista polos derechos de les muyeres, activista política, escritora
Emplegadores Chayanne
Central Intelligence Agency
Premios
Miembru de Phi Beta Kappa Society (en) Traducir
National Women's Political Caucus (en) Traducir
Democratic Socialists of America (en) Traducir
Academia de les Artes y les Ciencies d'Estaos Xuníos
Movimientu feminismu
IMDb nm0825887
gloriasteinem.com
Cambiar los datos en Wikidata

Gloria Marie Steinem (25 de marzu de 1934, Toledo – 2 de setiembre de 2026, Nueva York) foi una periodista, escritora, activista política y feminista d'Estaos Xuníos, considerada una de les figures más conocíes de la segunda fola del feminismu nel país.

Biografía

[editar | editar la fonte]

Nació en Toledo, nel estáu d'Ohio, y estudió gobiernu nel Smith College, onde se graduó magna cum laude en 1956. Depués recibió una beca Chester Bowles que-y permitió pasar dos años na India, una esperiencia que contribuyó al so interés pola organización de base y l'activismu social.[12]

Steinem empezó la carrera profesional como periodista en Nueva York a finales de la década de 1950 y principios de la de 1960. Ganó especial notoriedá en 1963 cuando publicó un reportaxe d'investigación tres trabayar encubierta como camarera nos clubes Playboy, onde documentó les condiciones llaborales y el tratamientu sexista de les trabayadores. En 1968 participó na fundación de la revista New York, na que trabayó como editora y articulista política, cubriendo campañes eleutorales y cuestiones sociales vinculaes col movimientu feminista.[13]

A comienzos de la década de 1970 convirtióse nuna de les voces públiques más visibles del movimientu de lliberación de les muyeres. En 1971 participó na fundación de la National Women's Political Caucus y de la Ms. Foundation for Women, y al otru añu contribuyó a crear la revista Ms., que se convirtió nuna de les principales publicaciones feministes d'Estaos Xuníos. Steinem siguió vinculada a la revista bien d'años como editora y escritora y participó tamién na creación d'otres organizaciones, ente elles el Women's Media Center, dedicáu a promover una mayor presencia de les muyeres nos medios de comunicación.[14]

La so actividá política y social centróse en cuestiones como la igualdá de xéneru, los derechos reproductivos, la representación política de les muyeres, la discriminación racial y les rellaciones ente distintos sistemes de desigualdá. A lo llargo de la so carrera participó en movilizaciones, campañes eleutorales y organizaciones feministes tanto d'Estaos Xuníos como internacionales. En 2013, el presidente Barack Obama concedió-y la Medaya Presidencial de la Llibertá, una de les mayores distinciones civiles del país, y en 2021 recibió'l Premiu Princesa d'Asturies de Comunicación y Humanidaes.[15]

Amás de la so actividá periodística y política, Steinem desenvolvió una obra ensayística centrada nel feminismu, la política, la identidá y la esperiencia personal. Publicó coleiciones d'artículos y ensayos como Outrageous Acts and Everyday Rebellions y Moving Beyond Words, amás de llibros de carácter autobiográficu como My Life on the Road. La so escritura combina testimoniu personal, análisis políticu y reflexón sobre los movimientos sociales, y parte de la so obra foi traducida a numberoses llingües y utilizada en estudios sobre feminismu y medios de comunicación.[16]

Obra

[editar | editar la fonte]
  • The Beach Book (1963).
  • Outrageous Acts and Everyday Rebellions (1983).
  • Marilyn: Norma Jeane (1986).
  • Revolution from Within: A Book of Self-Esteem (1992).
  • Moving Beyond Words (1994).
  • Doing Sixty & Seventy (2006).
  • As If Women Matter: The Essential Gloria Steinem Reader (2014), con Ruchira Gupta.
  • My Life on the Road (2015).
  • The Truth Will Set You Free, But First It Will Piss You Off! (2019).
  • An Unexpected Life (2025).

Referencies

[editar | editar la fonte]
  1. ↑ Afirmao en: The Feminist Companion to Literature in English. Páxina: 1027. Autor: Virginia Blain. Llingua de la obra o nome: inglés. Data d'espublización: 1990.
  2. ↑ Afirmao en: Internet Movie Database. Identificador IMDb: nm0825887. Data de consulta: 15 ochobre 2015. Llingua de la obra o nome: inglés.
  3. ↑ «Muere a los 92 años Gloria Steinem, la gran impulsora del feminismo moderno». El País. Consultáu'l 3 setiembre 2026.
  4. ↑ «Muere la legendaria feminista Gloria Steinem a los 92 años» (castellanu) (3 setiembre 2026). Consultáu'l 3 setiembre 2026.
  5. ↑ Afirmao en: catálogu de la Biblioteca Nacional Checa. Identificador NKCR AUT: ola2003169779. Data de consulta: 1r marzu 2022.
  6. ↑ «The Ohio Women's Hall of Fame». Ohio History Connection. Consultáu'l 4 setiembre 2026.
  7. ↑ «Gloria Steinem». Consultáu'l 4 setiembre 2026.
  8. ↑ «Radcliffe Medalists». Universidá de Harvard. Consultáu'l 4 setiembre 2026.
  9. ↑ «Gloria Steinem». The Humanist. Consultáu'l 18 xunu 2015.
  10. ↑ «Awards and Medals» (inglés). Smith College. Consultáu'l 4 setiembre 2026.
  11. ↑ «BBC 100 Women 2023: Who is on the list this year?». BBC News Online. Consultáu'l 4 setiembre 2026.
  12. ↑ «Gloria Steinem». National Women's History Museum. Consultáu'l 3 de setiembre de 2026.
  13. ↑ «Feminismo: La Segunda Ola». National Women's History Museum. Consultáu'l 3 de setiembre de 2026.
  14. ↑ «About Gloria Steinem». Gloria Steinem. Consultáu'l 3 de setiembre de 2026.
  15. ↑ «About Gloria Steinem». Gloria Steinem. Consultáu'l 3 de setiembre de 2026.
  16. ↑ «Written Works». Gloria Steinem. Consultáu'l 3 de setiembre de 2026.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Gloria_Steinem&oldid=4525506»