.30-06 Springfield

.30-06 Springfield
	; ; A gleiz da zehou : kartouchennoù .308 Winchester - .30-06 Springfield - .300 Weatherby - .300 Winchester Magnum
Doare
Kalibr	7,62 mm
Bro orin	Stadoù-Unanet Amerika
Doare korf an douilhez	Kreuzenn, boutailh
Doare skeiñ	e-kreiz
Mare produiñ	Abaoe 1906
Muzulioù
Ø bannadell	7,82 mm (0,308 meutad)
Ø trogleuziñ	7,6 mm
Ø kolier	8,6 mm
Ø skoaz	11,2 mm
Ø korf an douilhez	12 mm
Ø strad	12 mm
Tevder ar strad	1,2 mm
Hirder an douilhez	63,35 mm
Hirder ar gartouchenn	85 mm
Perzhioù all
Pouez ar vannadell	Etre 9,7 ha 14,25 g; Boledoù implijetañ : 150 greunenn (9,7 g), 165 greunenn (10,7 g), 180 greunenn (11,7 g)
Tizh ar boled V0	Etre 760 ha 890 m/s
Energiezh ar vannadell	Etre 2 820 ha 3 036 J
Emors	LR
Lezenn
Rummad e Bro-C'hall	C

An .30-06 Springfield (7,62 × 63 mm e anv metrek) zo ur munision armoù-tan hiniennel deveret eus an .30-03 Springfield hag implijet gant arme ar Stadoù-Unanet abaoe 1906. Dont a ra e anv eus e galibr (0,30 meutad), e vloavezh krouidigezh, hag eus arsanailh stad Springfield.

Implij

Implijet eo bet en armoù evel ar fuzuilhoù M1917 Enfield, Springfield M1903 ha BAR M1918 (er Brezel-bed Kentañ), hag en M1 Garand hag er vindrailherez Browning 1919 e-pad an Eil Brezel-bed. Kemeret eo bet e blas gant ar 7,62 × 51 mm evel munision standart AFNA e 1954, met implijet eo bet gant armeoù zo betek ar bloavezhioù 1970, da vare Brezel Viêt Nam da skouer. E hed-tenn efedus a zo war-dro 900 metr hervez hirder ar c'hanol.

Abaoe e vez implijet gant siviled dreist-holl. Ur c'halibr poblek eo gant chaseourien Norzhamerika evit al loened bras, hag an hini implijetañ eno etre ar bloavezhioù 1920 ha 1970 abalamour d'ar stokoù dreist a chome goude ar brezelioù-bed^[2]. Aotreet eo evit chaseal e Frañs abaoe 2013 ha berzh a ra er vro-mañ. Hervez ar broduerien munisionoù eo an .30-06 Springfield unan eus an tri munision implijetañ er c'harabinennoù gant ar 7,62 × 51 mm NATO hag ar 7,62 × 39 mm M43.

Kartouchennoù deveret

.270 Winchester
.35 Whelen
.280 Remington
.280 Ackley Improved
.370 Sako Magnum^[2]
an .30-06 CC (Court Cartry) zo ur stumm berraet e golier eus 2,55 mm, savet e Bro-C'hall hag anavezet gant eskemmez amprouiñ Saint-Étienne. Graet e voe pa difennet hervez lezenn an .30-06 Springfield er vro d'ar siviled. Eztalvoud eo bremañ^[3].

Liammoù diavaez

(fr) Taolenn ar munision war lec'hienn ar CIP

Daveennoù

↑ (en) BODDINGTON Craig, Boddington's Take: .30-06 Springfield Cartridge, Guns & Ammo, 06/12/2023 (lennet d'an 01/09/2024)
1 2 (en) BODDINGTON Craig, Boddington's Take: .30-06 Springfield Cartridge, Guns & Ammo, 06/12/2023 (lennet d'an 01/09/2024)
↑ (fr) MALFATTI René, Manuel de Rechargement N°6, Crépin-Leblond, 2004, ISBN 2-7030-0235-1, p. 144

Stag eo ar bajenn-mañ ouzh Porched an Armoù-tan

[1] (en) BODDINGTON Craig, Boddington's Take: .30-06 Springfield Cartridge, Guns & Ammo, 06/12/2023 (lennet d'an 01/09/2024)

[:0-2] 1 2 (en) BODDINGTON Craig, Boddington's Take: .30-06 Springfield Cartridge, Guns & Ammo, 06/12/2023 (lennet d'an 01/09/2024)

[3] (fr) MALFATTI René, Manuel de Rechargement N°6, Crépin-Leblond, 2004, ISBN 2-7030-0235-1, p. 144

[1]

[2]

[3]