Chitsuwa

Chitsuwa (Nge. Island) kana Tsuwa muchidzidzo cheTaranyika, ishoko rinoreva nzvimbo yakatendedzwa nemvura ingava pakati pegungwa; bhahari; nyanza, kana rwizi. Chitsuwa chinosiyana neziwumbe nekuti chidiki.

MuAfurika kune zvitsuwa zvinoti: Madagascar; Morishasi; Zanzibhari; Kabho Vherite ; Seisheri; Kitlineki (Kitlineq/Chitsuwa chaVhitori) nezvimwewo. Pasi rose chitsuwa chihombesa ndicho chinonzi Ghirinilendi (Greenland).

Vamwe vatauri vanoti chiwi, chirundu, chituru kana kuti chiunde - asi vamwe vamoti chiunde inzvimbo iri kwayo yega.

Gurutsuwa runotaurwa panowanikwa chaunga chezvitsuwa sezvakaita muBhahari re Eegi pedyo neItari.

Mitauro yeBantu

Shambala vanoti kisiwa (n. island), kureva chitsuwa.
VaWabo vanoti esuwa (island) kureva chitsuwa.
Sangho vanoti zûa (island) kureva chitsuwa. Lozi vanoti sikuli (n. island) kureva chitsuwa
VaGungu neVaGanda vanoti kizinga (island) kureva chitsuwa. Lenje vanoti izinga, nsumbu kana sumbu (island) kureva chitsuwa.
VaTonga vanoti kasuwa kureva chitsuwa. VaKongo vanoti kisanga (island) kureva chitsuwa.
Baila vanoti chilwa (island) vachireva chitsuwa.
VaMakua vanoti ntiji kana matinji pakuwanda (island) kureva chitsuwa.
Kimbundu inoti kisuko (island in a river or lake) kureva chitsuwa chiri munyanza kana murwizi.
Zigula vanoti chiruwa (island) vachireva chitsuwa.