2026

2026 is een jaer.

Hebeurtenisse

jannewari

• 1 jannewari - Flevoland bestaet 40 jaer.
• 1 jannewari - Bulharije gaet over op den euro.
• 1 jannewari - Vee doôden (41) en gewonden (116) bie een cafébrand int Zwitserse Crans-Montana.
• 1 jannewari - Vondelkerke in Amsterdam deu brand bienae illemille verwoest.
• 1 jannewari - Vee geweld tehen 'ulpeverleners en overlast tiedens den jaerwisselieng in Nederland.
• 1-11 jannewari - Sneêuw in Nederland.
• 3 jannewari - Luchtanvall'n van de Vereênigde Staeten op Venezuela, president Nicolás Maduro evange enome.
• 3 jannewari - Dertig mins'n vermoôrd bie anval op durp in Niheriaonse deêlstaet Niher.
• 5 jannewari - Aerdbevieng mie een kracht van 2,3 in Herten in Nederlands Limburg.
• 6 jannewari - Protesten tehen overeid in vee provincies in Iran.
• 9 jannewari - Rusland gebruukt hypersonische raket bie anval op Lviv in Oekraïne.
• 10 jannewari - Noôdtoestand in Zuudoôst-Australië, veural in de deêlstaeten Victoria en New South Wales, vanwehe zwaere bosbranden.
• 11 jannewari - Meêr toezicht op den leste trein op vrie- en zaeterdagavond van den Zeêuwse lijn richtieng Zeêland vanwehe overlast deu jongeren.
• 12 jannewari - Groôte bosbranden int Arhentijnse deêl van Patagonië.
• 12 jannewari - Olifant doôdt in nehen daegen 20 mins'n in den deêlstaet Jharkand (Oôst-India).
• 14 jannewari - Kraone valt op trein in Thailand mie 32 doôden.
• 15 jannewari - Wikipedia bestaet 25 jaer.
• 15 jannewari - Recordstand vò AEX, breekt deu hrens van duuzend punten, veural veroôrzaekt deu IT-bedrieven.
• 16 jannewari - Overstroômiengen mie doôden in zuudelijk Afrika deu zwaere rehenval.
• 16 jannewari - Natuur van den Onte deu jaerenlang bahern verwoest.
• 17 jannewari - Oceaonverdrag treedt in werkieng.
• 18 jannewari - Treinongeluk in Zuud-Spanje mie 45 doôden.
• 18 jannewari - Senehal wint mie 1-0 tehen Marokko den Afrika Cup.
• 19 jannewari - Zeêr zeldzaeme spooke broead waer enome in Middelburg, een aerdesterre mie den naem Geastrum welwitschii.
• 20 jannewari - Zeven Twidde Kaemerleden van den PVV onger leidieng van Gidi Markuszower stapp'n uut den partie.
• 23 jannewari - Zilver gaet deu recordpries van 100 dollar.
• 24 jannewari - 67 doôden deu brand in wienkelcentrum in den Pakistaonse stad Karachi.
• 26 jannewari - Goud gaet deu recordpries van 5.000 dollar.
• 26 jannewari - Overstroômiengen in Mozambique deu 'evige rehenval en dammebreuken.
• 28 jannewari - Dollar op laegste peil sins den zeumer van 2021.
• 28 jannewari - Meêr as 400 doôden deu gedeêltelijke instortieng van goudmien in Oôst-Kongo.
• 29 jannewari - ING behaelt een winst van 6 miljard euro over 2025.
• 29 jannewari - Volgens een Israëlische militaire bron ist juust dat er ruum 71.000 Palestijn'n tiedens den oôrlog in den Gazastroôke binne gedoôd; 't Israëlische leher ontkent dit.
• 29 jannewari - Tata Steel uut Iemuje krieg recordboete vò schaedelijke uutstoôt.
• 29 jannewari - Den Europeêse Unie zet den Iraonse Revolutionaire Garde op den terreurlieste.
• 29 jannewari - Kunstschilder Jo Dumon Tak is erg kwaed vanwehe lossnieë van z'n panorama over Walchren.
• 30 jannewari - Den economie van Nederland is in 2025 mie 1,9 percent gegroeid.
• 31 jannewari - Lucinda Brand wint 't waereldkampioenschap veldriejen vò wuven in 'Ulst.

feberwari

• 1 feberwari - Mathieu van der Poel wint 't waereldkampioenschap veldriejen vò venters in 'Ulst.
• 1 feberwari - Bienae 200 doôden bie gevechten tussen strieders en 't Pakistaonse leher in Beloetsjistan.
• 3 feberwari - D66-leider Rob Jetten wor formateur.
• 4 feberwari - The World Factbook van den CIA stopt.
• 5 feberwari - Noôdweêr in Noôrdwest-Marokko, Zuud-Spanje en Zuud-Portuhal.
• 5 feberwari - 't Kernwaepenverdraeg tussen de Vereênigde Staeten en Rusland eindigt vandaeg; den Amerikaonse president Donald Trump wil een nieuw kernwaepenverdrag, waerbie ok China wor betrokke.
• 6-22 feberwari - De Olympische Winterspeêl'n worren in Milaen en Cortina d'Ampezzo 'ehouwen.
• 6 feberwari - Weêkenlange groôte koersdaelieng van den bitcoin.
• 8 feberwari - Vier groôte Amerikaonse techbedrieven gaen vuufonderd miljard dollar investeren in o.a. datacenters.
• 8 feberwari - Hroeiende kerreken van migranten (in Rotterdam en Amsterdam) 'ebben onvoldoende 'uusvestieng.
• 9 feberwari - Jutta Leerdam wint goud (olympisch record) en Femke Kok zilver op den duuzend meter schaetsen op de Olympische Winterspeêl'n.
• 10 feberwari - Philips maekt sins jaeren weêr winst.
• 11 feberwari - NAVO behint mie missie op noôrdpole, Arctic Sentry.
• 11 feberwari - Sins 't behin van de demonstraoties ende december binne d'r zeven duuzend mins'n gedoôd in Iran.
• 11 feberwari - Orkaon in Madahaskar, veural 'aevenstad Toamasina zwaer hetroffen.
• 12 feberwari - Noôdweêr in Zuidwest-Europa, veural in Zuud-Frankriek en Catalonië.
• 12 feberwari - Akkoôrd over een nieuwe reherieng vò 't Brussels Hewest nae 613 daegen (record).
• 12 feberwari - Telecomprovider Odido gehackt.
• 12 feberwari - Toerisme in Zeêland is in 2025 edaeld, d'r is te weinig te doen en tis te diere.
• 14 feberwari - Kritiek op dichtmaeken van gasputt'n in Greunienge.
• 14 feberwari - Hroôte betoôgieng tehen 't Iraonse regime bie den jaerlijkse veiligeidsconferentie in München.
• 15 feberwari - Den Israëlische reherieng gaet meêr controle uutoefenen over den Westoever.
• 15 feberwari - Oekraïne valt mie drones olieinstallaoties an in den Russische 'aevenstad Taman an den Zwarte Zeê.
• 18 feberwari - Record an antal daegen rehen in Frankriek, daerdeur overstroômiengen in (zuud)westen vant land.
• 19 feberwari - Tienduuzenden kraenveugels in West-Europa en Duutsland doôd deu veugelhriep.
• 19 feberwari - Vee lawines mie vee doôden in de Alpen.
• 20 feberwari - Luchtanvall'n van Israël op Hezbollah in Oôst-Libanon.
• 22 feberwari - 't Mexicaonse leher doôdt den leider vant Jaliscokartel, een beruchte drugsbende.
• 22 feberwari - De Olympische Winterspeêl'n worren 'ewonne deu Noorwegen, twidde wor de Vereênigde Staeten, dorde wor Nederland (record 'oôgste plekke).
• 23 feberwari - 't Kabinet-Jetten treedt an.
• 23 feberwari - Den Zeêuw Jo-Annes de Bat (voormaelig gedeputeêrde van Zeêland) wor staetssecretaoris int kabinet-Jetten.
• 23 feberwari - Zeldzaeme dwergnijlpaerden waerenomen in Ivoôrkust.
• 26 feberwari - Winst van 120 miljard dollar vò Amerikaonse chipbedrief Nvidia.
• 27 feberwari - Paramount neemt vò 110 miljard dollar Warner Bros. over.
• 27 feberwari - Luchtanvall'n van Pakistan op steê in Afghanistan (o.a. Kaboel).
• 28 feberwari - Luchtanvall'n van Israël en de Vereênigde Staeten op Iran (o.a. Teheran), doel is een machtswisselieng int land. Den Iraonse leider Ali Khamenei komt daerbie om. Iran slaet terug mie luchtanvall'n op Israël en veural opt Amerikaonse leher in Jordaonië, Syrië en de Holfstaeten. Iran sluut den Straet van Hormoez of, wat gevolgen kan 'ebben vò den oliepries.

maerte

• 2 maerte - Luchtanvall'n van Hezbollah op Israël, Israël antwoordt mie luchtanvall'n op Hezollah in Libanon.
• 4 maerte - Luchtanvall'n van Iran op Koerdische milities int noôrden van Irak.
• 7 maerte - 'Evige rehenval in Kenia, 'oôdstad Nairobi in de problemen.
• 8 maerte - Mojtaba Khamenei volgt um z'n vaor Ali Khamenei op as 'oôgste leider van Iran.
• 9 maerte - Priezen van olie en gas zeer 'oôg deu oôrlog int Midden-Oôsten.
• 10 maerte - 't Hebruuk van den telefoon bestaet 150 jaer.
• 10 maerte - Chipbedrief ASML uut Veldoven gaet uutbreien nae Eindoven.
• 13 maerte - 't Antal geloôvigen is in Nederland in 2025 edaeld nae 42%, alleêne in den provincie Limburg is den meêrdereid geloôvig. In Zeêland is bienae den 'elft geloôvig en binne de meêste protestanten per provincie.
• 13 maerte - Luchtanvall'n van de Vereênigde Staeten op militaire installaoties opt vò den Iraonse olieuutvoer zeêr belangrieke eilandje Kharg in den Perzische Holf.
• 13 maerte - Den SGP in Vlissienge ei van alle plaetselijke partieën de meêste wuven op den liest vò de gemeênteraedsverkieziengen, ok is meêr as den 'elft van de kandidaoten een wuuf. Liestetrekker is vanover 't eêste vrouwelijke SGP-raedslid Lilian Janse-van der Weele.
• 14 maerte - Aerdbevieng mie een kracht van 3,0 bie Eleveld-Geelbroek in Drenthe.
• 15 maerte - Den ofnaeme van den leêfbaereid in den gemeênte Ter Veere deu den hroei vant toerisme is een belangriek ongerwerp bie de kommende gemeênteraedsverkieziengen.
• 16 maerte - 23 doôden bie bomanslagen in den stad Maiduguri in Noôrdoôst-Niheria.
• 16 maerte - Vee doôden in een ziekenuus in Kaboel deu Pakistaonse luchtanval.
• 17 maerte - Marokko toch winnaer van den Afrika Cup.
• 17 maerte - Israël doôdt den Iraonse veiligeidschef en den leider van den paramilitaire Basij.
• 18 maerte - Gemeênteraedsverkieziengen in Nederland: den opkomst is 54%, meêste zeêtels nae plaetselijke partieën.
• 18 maerte - Israël bombardeêrt in Iran 't hroôtste gasveld ter waereld, as vergeldieng bombardeêrt Iran een gasveld in Qatar mie as hevolg een vaddere stiegieng van de olie- en gaspriezen.
• 19 maerte - Volgens den Israëlische premier Benjamin Netanyahu kan Iran deu de anvall'n van de Vereênigde Staeten en Israël hin uranium meêr verrieken en hin ballistische rakett'n meêr maeken.
• 19 maerte - Vee sneêuw op de Cenarische Eilan'n.
• 20 maerte - Overstroômiengen in Hawaii deu 'evige rehenval.
• 21 maerte - Extreme warmte int zuudwessen van de Vereênigde Staeten.
• 23 maerte - Volgens den Weareld Meteorologische Organisaotie (WMO) sloeg den aerde in 2025 meêr warmte op as vroeher.
• 24 maerte - Den NASA wil een baosis op den maen gaen bouwen waer vanof 2032 kan worren geweund.
• 26 maerte - Den naem van den combinaotie GL-PvdA wor Progressief Nederland (PRO).
• 26 maerte - Den Nederlandse staet had in 2025 een tekort van 19 miljard euro oftewel 1,6% vant bbp en den staetsschuld steeg nae 524 miljard euro oftewel 44,4% vant bbp.
• 28 maerte - Hroôte betoôgieng tehen 't beleid van president Donald Trump in alle Amerikaonse staeten.
• 30 maerte - 't Israëlische parlement den Knesset stemt voo den doôdstraf voo moôrden deu (Palestijns) terrorisme.

april

• 1 april - Vee dode zeêsterr'n angespoeld opt strange van Ouwdurp.
• 4 april - Zwaere rehenval leidt toet overstroômiengen, aerdverschuviengen en onweêr in Afghanistan.
• 6 april - 't 'Oôd van den inlichtiengendienst van den Islamitische Revolutionaire Garde (Iran) wor deu Israëlische luchtanvall'n gedoôd.
• 8 april - Waepenstilstand van twi weêken tussen Iran en Israël-Vereênigde Staeten.
• 8 april - Zwaerste anval van Israël op Hezbollah in Libanon mie 254 doôden.
• 9 april - 't Antal wolv'n in Nederland is in 2025 mie 30 toet 131 'estege.
• 10 april - Zelfriejende waegens van Tesla meugen as eêste in Europa in Nederland gaen riejen.
• 12 april - In de Honhaorse verkieziengen verslaet den partie Tisza van oppositieleider Péter Magyar den partie Fidesz van premier Viktor Orbán.
• 13 april - De Vereênigde Staeten gaen as hevolg vant mislukk'n van de ongerandeliengen mie Iran den Straet van Hormuz blokkeren om den (beperkte) ofsluutieng deu Iran te stoppen.
• 13 april - Dode potvis gestrand tussen Renisse en Nieuw-Aemstie.
• 16 april - President Volodymyr Zelensky van Oekraïne krieg in Middelburg den Four Freedoms Award (Freedom Medal).
• 17 april - Waepenstilstand van tien daegen tussen Libanon en Israël.
• 17 april - Aziatische 'oôrnaer 'iet veurtaen geelpoôtoôrnaer.
• 17 april - Groep-Markuszower richt een nieuwe partie op: Den Nederlandse Alliantie (DNA).
• 20 april - Den blokkade van den Straet van Hormuz leidt toet tekort an kunstmest waordeu voedselpriezen stiegen.
• 20 april - Noôdtoestand in den 'oôdstad van Nieuw-Zeêland Wellington en omhevieng deu record vee rehen.
• 21 april - Eêste Kaemer stemt tehen den asielnoôdmaetregelenwet en vò invoerieng vant twistatusstelsel.
• 21 april - Stroômnet in den provincie Utrecht vol.
• 23 april - Dreigieng van tekort an drienkwaeter in Nederland.
• 23 april - Inlichtiengendienst AIVD waerschuwt vò Rusland, China en jihadistisch terrorisme van Islamitische Staete.
• 25 april - Net zo as in 2025 vanover een zeêr droôge lente.
• 26 april - Den marathon wor vò den eêste mael onger den twi uur gelope.
• 27 april - Konienksdag: konienk Wullem-Alexander mie z'n wuuf koniengin Máxima plus ulder drie dochters bezoeke Dokkum.
• 28 april - Nieuw nationaol park in Nederland: 'Ollandse Dunen in den provincie Zuud-'Olland.
• 29 april - Hroôte brand opt militair oefenterrein bie 't Harde.
• 29 april - Oliepries 't 'oôgst sins 2022 deu oôrlog int Midden-Oôsten.
• 30 april - Toearegs en jihadisten vechten saemen tehen 't militaire regime in Mali.

meie

• 1 meie - De Vereênigde Araobische Emiraoten stappen uut den OPEC.
• 3 meie - (Nederlandse) doôden deu hantavirus op cruiseschip.
• 3 meie - Levende witsnuutdolfijn anhespoeld bie Egmond an Zeê.
• 4 meie - 26 doôden deu ontploffieng in een vierwerkfabriek in den Chinese stad Liuyang (Hunan).
• 7 meie - Rechter geêft hemeênte Goereê-Overflakkeê geliek mie sluutieng op zoondag van supermart in Ouwdurp om geloôfsredenen.
• 12 meie - Vanwehe deêlname van Israël ant Eurovisiesongfestival in Wenen doen Ierland, Iesland, Nederland, Slovenië en Spanje niet meê.
• 12 meie - Brandstichtieng bie noôdopvang vò asielzoekers in Loôsdrecht.
• 12 meie - Uutzonderlijk laete sneêuwval in de Alpen.
• 13 meie - Windoôs in Eersel.
• 13 meie - Driemael meêr terpen as 'edacht in Nederland.
• 14 meie - Zwaere anvallen mie drones en raketten van Rusland op Oekraïne.
• 15 meie - 78 doôden deu bendeheweld in Haïti.
• 15 meie - Uutbraek van ebola mie 65 doôden int oôsten van Konho-Kinshasa.
• 15 meie - Israël doôdt den militaire leider van Hamas.
• 16 meie - Bulharije wint 't Eurovisiesongfestival, Israël wor twidde.
• 19 meie - Een asteroïde gaet vlak langs den aerde.
• 20 meie - 1121 nieuwe diersoôrten ontdekt in de zeêën.
• 24 meie - Zeêr zwaere anvallen mie drones en raketten (waeronger den Oresjnik-raket) van Rusland op den Oekraïense 'oôdstad Kiev en omhevieng.
• 29 meie - Israël gaet 70% van den Gazastroôke bezetten.
• 30 meie - Noôdweêr in Belhië.
• 31 meie - Israël verovert 't kasteêl Beaufort an den Litani in Libanon.

juni

• 3 juni - Anvallen mie drones deu Oekraïne op onger aore den Russische stad Sint-Petersburg.
• 3 juni - Waepenstilstand tussen Libanon en Israël, ofankelijk van terugtrekkieng van Hezbollah.
• 4 juni - Windoôs in Glanerbrugge.
• 6 juni - Vuuftigste editie van den EO-Jongerendag; deêze wor hehouwe in Rotterdam.
• 6 juni - Hroôte Kernienenplaeg in Australië.
• 7-8 juni - Iran en Israël voeren luchtanvall'n op mekaer uut.
• 8 juni - Aerdbevieng mie kracht van 7,8 in de Filepien'n.
• 11 juni-19 juli - Waereldkampioenschap voebal vò mannelijke lan'nteams (FIFA World Cup 26) in Canada, Mexico en de Vereênigde Staeten.
• 12 juni - Europeêse asiel- en migraotiepact in werkieng.
• 13 juni - GroenLienks en PvdA vanof noe officieel saemen as Progressief Nederland (PRO).
• 13 juni - 'Oôgste wintertemperatuur oôit op Antartica: 15,5° C.
• 18 juni - Hroôte droneanval van Oekraïne op Rusland, o.a. op een hroôte olieraffinaederie bie Moskou.
• 18 juni - Den provincie Limburg waerschuwt vò een wasbeêrplaeg in Nederland.
• 18 juni - As hevolg van een ofspraek 'effen de Vereênigde Staeten den blokkade van Iraonse 'aevens op en opene den Straet van Hormoez.
• 19 juni - Nieuwe waepenstilstand tussen Israël en Hezbollah.
• 19-20 juni - Vee schaede an boômen in Greunienge deu noôdweêr.
• 22 juni - Den Britse premier Keir Starmer gaet weg.
• 24 juni - Twi zwaere aerdbeviengen mie een kracht van 7,2 en 7,5 in Venezuela.
• 26 juni - 'Oôgste junitemperatuur oôit mie 36,8° C in De Bilt en 39,4° C in Ell.
• 29 juni - In Mexico wor 't Nederlands voebalelftal deu verlies van Marokko uutgeschakeld int waereldkampioenschap voebal vô mannelijke lan'nteams.

juli

• 1 juli - Ruum twi meljoen soldaeten binne gedoôd, gewond of vermist in den oôrlog tussen Oekraïne en Rusland.
• 2 juli - Scheurieng binn'n den Roôms-Kattelieke Kerke.
• 4 juli - De Vereênigde Staeten bestaen 250 jaer.
• 4 juli - In Mali worren steê angevalle deu rebellen.
• 5 juli - Toenaeme van heweld deu Israëliërs tehen Palestijnen op den Westelijke Jordaonoever.
• 5 juli - Zwaere bosbranden in Zuud-Frankriek, veural bie Perpignan int departement Pyrénées-Orientales.
• 6 juli - Superorkaon op eilandje Rota bie Guam in den Hroôten Oceaon.
• 6 juli - Hamas gaet 't politieke bestier over den Gazastroôke stoppen.
• 6 juli - Duutsland wil meêr gaen uutgeve an defensie.
• 6 juli - Probleêmwolven moge in Nederland worren ofeschote.
• 7 juli - Twintig windmeulens bie de Kreêkraksluuzen in den Zeêuwe gemeênte Reimerswaol moge overdag niet meêr draoie vanwehe den doôd van een zeêaerend.
• 7 juli - Hroôte problemen mie rivierkreêften in Zeêland.
• 8-9 juli - Luchtanvall'n tussen de Vereênigde Staeten en Iran.
• 9 juli - Europeês Parlement vòstander van digitaole euro.
• 11 juli - Hroôte natuurbrand in den Zuud-Spaonse provincie Almería mie vee doôden.
• 12 juli - Hroôte bosbrand zuudoôstelijk van Paries bie Fontainebleau.
• 12 juli - 28 doôden deu brand in een café in Bangkok.
• 13 juli - Vanover luchtanvall'n tussen de Vereênigde Staeten en Iran.
• 13 juli - Toenaeme van bevers bedreigieng vò dieken en wehen.
• 13 juli - De Vereênigde Staeten gaen Iran vanover op zeê blokkeren en tol 'effen in den Straet van Hormoez.

Kommende hebeurtenisse

• 1 oes - Vanof noe is vierwerk verboden in Nederland.
• 1 oktober - Den Zeêuwse Wikipedia bestaet twintig jaer.
• 27 oktober - Verkiezienge vò den Knesset.

Hesturve

• 13 jannewari - Jaap Sala (76), Nederlands politicus (burhemeêster Sluus)
• 16 jannewari - Willem Jan op 't Hof (78), Nederlands predikant en theoloôg
• 26 jannewari - Arie van den Brand (74), Nederlands landbouwkundige, boer en politicus
• 7 feberwari - Bert Broekhuis (82), Nederlands politicus (raedslid Tole)
• 11 feberwari - Cees Nooteboom (92), Nederlands schriever en dichter
• 6 maerte - Hans Wagner (62), Duuts-Nederlands politicus
• 12 maerte - Wouter van Beijnum (79), Nederlands architect
• 30 maerte - Huub van der Meer (82), Nederlands politicus (burhemeêster Oôstflakkeê)
• 18 juni - Henk Krijgsman (84), Nederlands politicus (burhemeêster Wesvore)
• 8 juli - Johanna Kruit (85), Zeêuws dichteres en schriefster

Temperaturen

antal maelen maximum temperatuur in De Bilt.
maend	maximum temperaturen °C															maend
	-10--14	-5--9	0--4	0-+4	5-9	10-14	15-19	20-24	25-29	30-34	35-39	40-44	gemid.	'uudig gemid.	verschil
jan			1	17	11	2							5,0°	6,2°	-1,2°	jan
feb				8	8	10	2						8,6°	7,2°	+1,4°	feb
mrt					2	18	11						13,3°	10,4°	+2,9°	mrt
apr						9	18	3					16,4°	14,8°	+1,6°	apr
mei						7	11	6	5	2			19,9°	18,4°	+1,5°	mei
jun							10	8	7	4	1		24,1°	21,2°	+2,9°	jun
jul								6	7				°	23,0°	°	jul
oes													°	22,8°	°	oes
sep													°	19,5°	°	sep
okt													°	14,9°	°	okt
nov													°	10,0°	°	nov
dec													°	6,7°	°	dec
tot.													°	14,6°	°	tot.

Plaetjes

• 
  Vondelkerke
• 
  Patagonië
• 
  Wikipedia 25 jaer
• 
  Aerdesterre (Geastrum corollinum)
• 
  Onte
• 
  Cortina d'Ampezzo mie omhevieng
• 
  Kraenveugel
• 
  Dwergnijlpaerden
• 
  Midden-Oôsten
• 
  Maen
• 
  Gewone zeêster
• 
  Geelpoôtoôrnaer (Aziatische 'oôrnaer)
• 
  Konienksdag in Dokkum
• 
  Dunen bie Noôrdwiek (Nationaol Park 'Ollandse Dunen)
• 
  Witsnuutdolfijn
• 
  Zeêaerend
• 
  Marmerkreêft