Interlingua

MC	Achësta pa̍gina e̍ scrita ün munegascu

Logu de interlingua

Interlingua e̍ üna lenga aussiliari ünternaçiunale, püblica̍ ün 1951 da l'Assuçiaçiu̍n per üna lenga aussiliari ünternaçiunale (International Auxiliary Language Association, IALA). U so vucabülari e̍ basau essençialamente sci'ë lenghe rumançe e tambe̍n sciü l'anglese, che cuntenge prun nümeruse parole d'uri̍gine rumançe ünt'a so' vucabülari. A grama̍tica e̍ egalamente inspira̍ d'achëste lenghe, ma cun simplificaçiue. Dunca, l'interlingua semiya iesse üna spe̍cie de lati̍n modernisau.

L'IALA e̍ sta̍ funda̍ ün l'anu 1924 da a filantropa americana Alice Vanderbilt Morris, ma u travayu sci'a lenga era diretu da u lenghista Alexander Gode. L'IALA e̍ sta̍ ativa fint'ün 1953. Anchœi gh'e̍ üna « Üniu̍n mundiale per interlingua », funda̍ ün 1955, che s'ucüpa d'a prupagaçiu̍n d'interlingua. Ün l'anu 2000 interlingua era parla̍ da circa 1500 persune.

Gh'e̍ tambe̍n ün a̍utru prugetu ciü veyu che se ciama ufiçialamente « interlingua », ma che e̍ ciü cunusciüu suta u nume « latino sine flexione ». De ciü̍, gh'e̍ üna lenga artifiçiale suta u nume « interlingue ».

A̍utri prugeti

• Wikipedia a gh'à 'n'ediçión in interlingua (ia.wikipedia.org)

Altri progetti

• Wikimedia Commons

• Wikimedia Commons a contêgne di files in sce Interlingua

Vi̍nculi esterni

• (FR) Union Mundiale pro Interlingua, in sce interlingua.com. URL consultòu o 22 zùgno 2026.
• (IA) K. Wilgenhof, Grammatica de Interlingua, in sce wikisource.org. URL consultòu o 22 zùgno 2026.

Contròllo de outoritæ	GND (DE) 4162020-3 · BNF (FR) cb14456174q (data)